مردن هونەرمەن عراقی عەلی جەودەت لەدویای ماوەیگ لە بیماری
2023-12-05T08:29:20+00:00
شەفەق نیوز/ شەوەکی ئمڕوو سێشەممە، هونەرمەن عراقی عەلی جۆدە لە تەمەن 62 ساڵی کووچ دویایی کرد لەدویای ململانێ درویژیگ وەگەرد بیماری.
پەیامنێر ئاژانس شەفەق نیوز وت، شەوەکی ئمڕوو لە یەکیگ لە خەسخانەیل بەغدای پایتەخت کووچ دویایی کردیە لەدویای تێکچگن بارودۆخ تەندروسی.
سەندیکای هونەرمەندەیل پرسە و سەرەخوەشەی خوەیان لە بەیاننامەی کوڵیگ راگەیانن.
هونەرمەن کووچ کردگ و گورانیچڕ عراقی لە ساڵ 1961 لە داڵگبویە لە شار ناسڕیە ناوەن پارێزگای زیقار باشوور وڵاتەگە، سەرەتای ناودیاربوینی چوودەو ئەرا ساڵ هەفتاگان سەدەی وەرین لەناو شارەگەی خوەی کە کاریگەری کوڕەیل پارێزگاگەی لەبانی بوی هەریەک لە هونەرمەنەیل حەسەن و حسێن نعمە.
ئاسارەگەی لەناوڕاس هەشتاگان دەسکردە درەوشان، لە نەوەدگان گورانیەیلی زیاتر ناوبانگ دەرکرد لەدویای هاوکاریکردنی وەگەرد شمارەیگ ئاوازدانەر لەوانەش ئاوازدانەر فاروق هلال و سرور ماجێد، کار بوی وە نەوەی هەفتاگان یەش رەنگدانەوە لە کارە هوونەریەگانی داشت .
