نێچیروان بارزانی: هەڵوژاردن سەرۆک پەرلەمان گامیگ جەوهەرییە ئەرا بەرزکردن ئارامی سیاسی
ئەوەیش لەناو دیداریگ ناوەین نێچیروان بارزانی و شاند یاوەری، وەگەرد موتەنا سامەڕائی، سەرۆک هاوپەیمان ئەزم لە بەغدا، وە ئامادەبوین شمارەیگ سەرکردە و جیگر هاوپەیمان ئەزم، وەگورەی بەیاننامەیگ کە رەسیە ئاژانس شەفەق نیوز.
لە دیداگە5 چەن باوەتیگ خوازیاگ و گرنگ لە رەوش ئیسەی عراق، گرنگی گامەیل وەرەو نوا وەگەرد پرۆسەی هەڵوژاردن سەرۆک نوو ئەرا ئەنجومەن نوێنەرەیل، جویر گامیگ گرنگ و جەوهەری وەرەو بەرزکردن ئارامی سیاسی باس کریا، و گرنگی ئەنجامدان تەقەلای هاوبەش ئەرا دڵنیابوین لە جیوەجیکردن ئی پرۆسە وە شیوەیگ ئاشکرا و دیموکراسی کە رەنگدانەوەی ئیرادەی گەل عراق بوود.
هەردوگلا دووپات کردن لەبان گرنگی قایمکردن هاوکاری و هەماهەنگی ناوەین حکومەت هەرێم کوردستان و حکومەت فیدراڵ، و مقیتیکردن هەماهەنگی وەخاتر چارەسەرکردن باوەتە گیرهاتگەیل و گرنگی پاڵپشتیکردن تەقەلایل حکومەت عراق لە گامەیلی وەرەو جیوەجیکردن بەرنامەی حکومەت و مەرجەیل ڕێککەفتنە سیاسییەگە.
