واتسئاپ چەن تایيەتمەنی نوویگ لەبان مۆبایل ئایفۆن تاقیکەێد.
2024-01-07T07:24:14+00:00
شەفەق نیوز/ واتسئاپ چەن ئاڵشتکاری نوویگ تاقیکەێد، یەکیگ لەوانەش ئاڵشتکردن رەنگ بەرنامەگەس لەبان مۆبایل ئایفۆن.
ئەزموونەگە جوا، داواکاری وەکارهاوەرەیل دەێد و دەسمیەتیان دەێد رووکار بەرنامەگە وەرد ئارەزووی خوەیان بپوڕن و رەنگ دڵخواز خوەیان وەکاربارن.
وەپای نووترین وەشان تاقیکاری بەرنامەگە لەبان مۆبایل ئایفۆن چەودێری کریایە، بڕیگ بژاردەی نوو زیایکریایە ئەرا ئاڵشتکردن رەنگ بەرنامەگە لە سەوزەو ئەرا رەنگەیل ترەک جویر کەو چەرمگ و پەمەیی و سویرەدێز.
لەو تایوەتمەنیە ریگە دەێد وەو کەسەیلە کە گیچەڵ نوڕستن دیرن وەلیفەت وەربگرن لە رووکاریگ رووشنتر بەرنامەگە.
مەزەنەکرێد لە ئایندە تایبەتمەنی و ئاڵشتکاریتر زیایبکەێد جویر ئاڵشتکردن رەنگ گفتوگو ئەرا رەنگیگتر ، ری دەێدە وەکارهاوەر وەگورەی سەلیقە و ئارەزوی وەی رەنگەگەی ئاڵشت بکەێد.
