نێچیروان بارزانی بەشداری لە گردەوبوین ئیدارەی دەوڵەت کەێد لە بەغدا.. وینە
سەرۆک نێچیروان بارزانی شەو شەممە رەسیە بەغدای پایتەخت.
سەرچەوەیگ سیاسی ئەرا ئاژانس شەفەق نیوز وت: لە سەردانەگەی سەرۆک نێچیروان بارزانی چەوی کەفتە محمد شیاع سودانی سەرۆک وەزیرەیل، و باس بڕیگ و چارەسەری حکومەت کردن کە دەسمیەتی لە خاسەوکردن رەوشەیل خزمەتگوزاری ئەرا هاوڵاتیەیل کەن.
نویسینگەی راگەیانن سەرۆک ئەنجومەن وەزیرەیل فیدڕاڵی لە بەیاننامەیگ رەسیە ئاژانس شەفەق نیوز وت: محمد شیاع سودانی چەوی کەفتە نێچیروان بارزانی و شاند یاوەری.
وتیش: لە دیدارەگە باس زاقترین باوەتەیل کریا، و ئەو چارەسەرکردنەیلە کە حکومەت لە چینەیل خزمەتگوزاری و ئەوزەڵکردن جیوەجیی کردگە، وەگورەی بەرنامەی حکومەت، کە دەسمیەتی لە خاسەوکردن رەوشەیل خزمەتگوزاری و ژیانگوزەرانی هاوڵاتیەیل لە گشت شوینەیل وڵاتەگە دەێد.
وتیش: لە دیدارەگە باس دووپاتکردن لەبان وەردەوامی گفتوگۆی بیناکەر لە باوەتە هاوبەشەیل ناوەین حکومەت فیدراڵی و حکومەت هەرێم کوردستان کریا، هەمیش باس بڕیگ باوەت سیاسی کریا، کە هەردوگ لایەن دووپات لە گرنگی وەردەوامی لە پاڵپشتیکردن تەقەلایل حکومەت لە ناو و دەیشت کڕیار و کارکردن ئەرا قایمکردن پەیوەندییەیل ناوەین هەولێر و بەغدا.
سەرۆک ئەنجومەن وەزیرەیل، وەگورەی بەیاننامەگە، سەردانەیل سەرۆک هەرێم کوردستان وە گام خاسیگ دانا ئەرا چارەسەرکردن گشت باوەتە هاوبەشەیل.
لەلای خوەییش، سەرۆک هەرێم کوردستان نرخدار گامەیل سەرۆک ئەنجومەن وەزیرەیل کرد و رکداریی لەبان پەیوەندی و دانوسەنین وەرد هیزەیل نیشتمانی، کە سەقامگیری سیاسی قایم کەێد.
