سوودەیل سیف ئەرا رەمەزان
2024-03-11T14:03:22+00:00
شەفەق نیوز/ لەوەخت رووژگ گردن مانگ رەمەزان لەش بڕیگ فرە لەو ئاو و پێکهاتەیل خوەراکیەیلە لەدەسدەێد، شارەزایەیل خوەراک لەو باوەڕەن، میوە خاسترین خوەراکە ئەرا قەرەبوی کردن مادەیل لەدەسچگ دابینکردن کانزا و ڤیتامین پێویست ئەرا زیندەکردارەیل ناو لەش، سیف یەکیگە لە خاسترین ئەو میوەیلە توەنرێد پشت وەپی بوەسرێد.
سیف خاسترین و وەسوودترین میوەس لەناو میوەیل کە ریخەلوی چالاک کەێد و قەبزی نیەهیلێد، تەو داوەزنێد و تینگی شکنێد و جگەر چالاک کەێد.
شەرەت سیف ترش ناو گەیە مژێد و چارەسەر گرفتەیل گەیە و زەخم دوانزەگرێ کەێد، و ری لە بیماری دەروینیەیل گرێد و دەمارەیل ئارامەوکەێد، و چارەسەر بیماریەیل خێرا لێدان دڵ کەێد.
