بارودوخ سێ وڵات كه‌فته بان مێز گفتگوو عراقى - ئيرانى
2019-10-23T16:33:08+00:00
شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ى عراقى له باكۆ, چه‌وى كه‌فته محه‌مه‌د جه‌واد زه‌ريف هاوتا ئيرانيه‌گه‌ى له‌وه‌ر تاووتوێكردن په‌يوه‌نديه‌يل دولايه‌نه‌و گرنگترين مه‌سه‌له‌يل هه‌رێمى و ناوده‌وڵه‌تى گرنگيدار و هاوبه‌ش.
ئى ديداره له په‌راوێز دانيشتن وه‌زيره‌يل خارجيه‌ى وڵاته‌يل ئه‌ندام له حه‌ره‌كه‌ى عه‌ده‌م ئنحياز هات، ك هه‌ردگلا له‌تى باس له په‌يوه‌نديه‌يل دولايه‌نه‌و رويداگه‌يل ناوچه‌گه كردن وه‌تايبه‌ت بارودوخ سوريا.
جى باسه، له‌و ديداره هه‌ردو وه‌زير خارجيه‌ى عراقى و ئيرانى باس له بارودوخ لوبنان و يه‌مه‌ن و روێداگه‌يل كه‌نداو و ده‌سپيشخه‌رى "ئه‌لئه‌مه‌ل" ئه‌را ئاشتى كردن بيجگه تاووتويكردن چه‌ن باوه‌تيگ تر.
