سەرۆک هەرێم کوردستان وە دیدار عومەری و زەیدان دەسکەێدە سەردانەگەی ئەرا بەغدا.. وینە

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی، ئیوارەی ئمڕوو، وەگەرد دادوەر جاسم محمد عومەیری سەرۆک دادگای باڵای فیدراڵی لە بەغداد پایتەخت.

دیاری کرد کە هەردوگ لایەن ڕای خوەیان لەباوەت دەستوور و مقیتیکردن ئاشتی و ئارامی و بەرژتەوەیەیل باڵای وڵات کردن، و رووشنایی خستتە بان چەن باوەتیگ پەیوەندی وە رەوشەیل گشتی لە عراق دیرن.

لە دیداریگ ترەک لە سەردانەگەی، سەرۆک هەرێم کوردستان وەرد فائق زەیدان سەرۆک ئەنجومەن دادوەری باڵا لە عراق گردەو بوی.

وەرجەیە، دڵشاد شهاب قسەکەر سەرۆکایەتی هەرێم کوردستان وت: ئەوەسا وەگەرد محمد شیاع سودانی سەرۆک وەزیرەیل فیدڕاڵی گردەو بوود، ئەرا دانوسەنین لەباوەت پەیوەندییەیل ناوەین هەولێر و بەغدا و باوەتەیلیگ کە گرنگی لەلای هەردوگ لایەن دیرن.