کپەوکردن ئاگریگ دویای 30 ساعەت...ئاگر کەپیگ دەێد لە روبەر 3 هەزار دۆنم لە سلێمانی
وەڕیەوبەرایەتیەگە لە بەیاننامەیگ راگەیان، لە 21 تەمووز خەوەردار کریایمن ئاگر کەفتیەس لە " کویەی قایە" لە سنوور ئاوای "سێ ماڵە" دەسوەجی مەفرەزەیل پۆلیس دارسان و ژینگەی "ناڵپارێز" رەسینە شوین رویداوەگە، وتیش، لەدویای تەقەلادان فرەیگ لەدویای نیمەشەو وە هاوکاری بەش ئیدارەی پۆلیس دارسان و ژینگە لە پێنجوین توەنستنە کۆنترۆل ئاگرەگە بکەن.
وتیش؛ وە مدوو سەختی ناوچەگە و کویەیل بەرز و دووڵەیل قویل، دوارە ئاگرە هیزگردیە رەسیەس ئەرا ئاوای (یاساماڵ و کوڕمێو).
وەپای بەیاننامەگە لە دویای 22ی تەمووز کارمەنەیل بنکەی پۆلیس دارسان " ناڵپارێز" رەسینەس ئەرا کپەوکردن و کۆنترۆلکردن ئاگرەگە، وە بەشداری کارمەندەیل بەش پۆلیس دارسان و ژینگەی پێنجوین توەنستنە وە تەواوی کۆنترۆل ئاگرەگە بکەن لە ماوەی 30 ساعەت بەردەوامبویە.
لە بەیاناامەگە دیاریکرد لە ئاگرەگە 3000 دۆنم لە دارەیل سروشتی و گژوگیا سزیایە هووکار هیزگردن ئاگرەگە نەزانریاگە.
