نێچیروان بارزانی ئەرا رەشید: حکومەت هەرێم خواست و ئیرادەی چارەسەرکردن گشت گرفتەیل دیرێد
یەیش لە مەوقەی دیدارەگەی شەوەکی ئمڕوو وەگەرد سەرۆک کۆمار عەبدوللەتیف جەماڵ رەشید لە کۆشک ئاشتی لە بەغداد.
سەرۆکایەتی کۆمار فیدراڵی لە بەیاننامەیگ لە میانەی راگەیان، لە دیدارەگە گفتوگو کریا لە بارودۆخ گشتی وڵاتەگەو پیشهاتەیل ناوچەگە تاوتوێ کریا، سەرۆک دووپاتکرد لە پێویستی چەسپانن ئاسایش و سەقامگیری جویر پایەیگ ئەرا هەڵسیان وڵات لە ئاستەجیاوازەیل وە تایوەت لە مژار ئابووری و خزمەتگوزاری و ژیان هاوڵاتیەیل، دیاریکرد پاڵپشتی حکومەت گرنگە ئەرا جیوەجیکردن بەرنامەیل وەزاری لە وەجیهاوردن خواست هاوڵاتیەیل.
سەرۆک کۆمار دیاریکرد لە گرنگی سەردان ناوەن حکومەت فیدڕاڵی و حکومەت هەرێم کوردستان ئەرا رەسین وە لەیەکفامستن هاوبەشەیل و پتەوکردن بناغەی دیالۆگەیل بونیاتنەرو کاریگەر لەناوەین هەردوگ لا ئەرا چارەسەرکردن باوەتەیل هەڵپەسێردراوەگان وەپای دەستوور و یاسا و مسۆگەرکردن بەرژەوەنی گشت هاوڵاتیەیگ، وتیش؛ پێویستە هاوکاری و هەماهەنگی هەردوگلا قایمەو بکریەێد کە کاریگەری راستەوخوەیگ دیرێد وەبان چارەسەرکردن کیشە هاوبەشەیل و دویزەوکردن وەبان پرۆژەیل بیناسازی و ئاوەدانکردن و ئەوزەڵداین وە وڵات.
سەرۆک کۆمار پاڵپشتی خوەی نیشاندا ئەرا پەیوەنی بەهێزیگ لەناوەین حکومەت فیدڕاڵی و حکومەت هەرێم کوردستان، دەسخوەشی لە هاوکاری و هەماهەنگیەل کرد لە ئاستە جیاوازەیل لەپێناو رەدکردن ئاستەنگیەیل.
سەرۆک کۆمار و سەرۆک هەرێم کوردستان ئیدانەکردن خوەیان نیشاندان ئەرا وە ئامانج گردن گێڵگە گاز کۆرمۆر لە شار سلێمانی، دووپاتکردن ئێ جویرە کردەوەیل تاوانیەیلە پێشلکاری سەروەری وڵاتە و رەشە لەبان ئاسایش وڵات و بیوەیی دروسکەێد.
نێچیروان بارزانی دووپاتکرد لە گرنگی گفتوگو ئەرا چارەسارکردن گرفتەیل، و هەماهەنگی هاوبەش لە دۆسیە جیاوازەیل وە تایوەت پەیوەست وە پێداویستیەل ژیان و خزمەتگوزاری هاوڵاتیەیل.
سەرۆک نێچیروان بارزانی دووپاتکرد حکومەت هەرێم خواست و ئیرادە دیرێد ئەرا چارەسەرکردن گشت گرفتەیل وە شیوەی دادپەروەرانە و رووشنیگ و ئاسایش و بی وەیی لە وڵاتەگە مسۆگەر بکەێد.
