نێچیروان بارزانی خواست عراق و هەرێم کوردستان ئەرا پتەوکردن هاوکاری وەرد ئەمریکا دووپات کەێد
یەیش لە وەختیگ هات کە پیشوازی لە شاندیگ ئەمریکا کرد کە هەرلە لە سیناتۆر جۆنی ئێرنست و سیناتۆر تێد بود و شمارەیگ لە یاوەرەیلیان لەناوی بوی، وەگورەی بەیاننامەیگ لەلایەن سەرۆکایەتی هەرێم کوردستان.
لە بەیاننامەگە وت: لە دیدارەگە باس لە پەرەپیدان پەیوەندییەیل ئەمریکا وەرد عراق و هەرێم کوردستان و گیچەڵەیل ناوەین هەولێر و بەغدا و گفتوگۆکردن ئەرا چارەسەرکردنیان و رەوش عراق و هەرێم کوردستان وە گشتی کریا.
وەگورەی بەیاننامەگە، شاندەگە پاڵپشتی وەردەوام ئەمەریکا ئەرا عراق و هەرێم کوردستان نووەو کرد و وتیش ئەمریکا جویر هاوپەیمانیگ گرنگییگ فرە وە پەیوەندییەیلی وەرد هەرێم کوردستان دەێد.
هەمیش دەسخوەشی لە ڕۆڵ هیز پیشمەرگە کرد ئەرا شکستهاوردن داعش و مقیتیکردن ئارامی و ئاسایش عراق.
لەلای خوەییش، نێچیروان بارزانی، سەرۆک هەرێم کوردستان سوپاس لە ئەنجومەن پیرەیل و کۆنگرێس ئەمەریکا کرد ئەرا پاڵپشتی وەردەوامیان لە عراق و هەرێم کوردستان، دووپات لەبان خواست عراق و هەرێم کوردستان کرد ئەرا بەرزکردن هاریکاری و پەیوەندیی هاوبەش وەرد ئەمەریکا.
چەن پرسیگ ترەک جی گرنگیدان هاوبەش باسەیل ناو ئەو دیدارە بوین کە باڵیۆز ئەمریکا ەمریکا لە عراق و کونسوڵ گشتی ئەمریکا لە هەرێم کوردستان ئامادەی بوین.
