مەسرور بارزانی: پێشێلکاری لە ماف دەستووری گەل کوردستان کریا
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو پەنجشەممە، بڕیار دادگای فیدراڵی باڵا وە نادەستووری یاسا نەفت و گاز حکومەت هەرێم کوردستان، وە پێشێلکردن مافەیل دەستووری گەل کوردستان دانا.
مەسرور بارزانی لە کۆنگرەیگ رووژنامەوانی ئمروو وت: ئەوەسا وەردەوام بۊمن لە وەرگریکردن لە مافەیل دەستووری گەل کوردستان ک پێشێل کریا و پێشێل گریەێد، و دووپات کرد ک شمارەیگ لە مادەیل دەستووری لە بڕیار دۊایین دادگای فیدراڵی پێشێل کریان.
وتیش: داوا لە حکومەت عراق کردیمن دەرفەت دانوسەنین لەباوەت نەفت و گاز وپیمان بەێد، باوجی وەداخەو ک ئی دەرفەتە وەپیمان نەیریا، و ئی بڕیار تاکانە وەپێچەوانەی هەس دەستوور و بنەمایل سەرەکی سیستەم فیدراڵی بریا.
مەسرور بارزانی وتیش: ئی بڕیارە پسشت وە یاسای حزب بەعس ئەرا ساڵ ١٩٧٦ بەساگە، ئی یاسا تایبەتە وە حکومەتیگ مەرکەزی نەگ حکومەتیگ فیدراڵی.
هەمیش وت: دادگای فیدراڵی ئی بڕیارە لە مەوقەی فرە سەختیگ برد، و باس حکومەت فیدراڵی وە نادەستووری کرد و پشت وەیاسا لە دروسکردنی نەوەساگە.
