یەکێتی ئەوروپا نرخدار رۆڵ نێچیروان بارزانی کەێد لە وازکردن ریگرەیل لەنوای هەڵوژاردن کوردستان
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە هویروڕا لەباوەت هەڵوژاردن پەرلەمان کوردستان نشان دریا و هەردوگلا هاوڕابوین لەبان ئەوە کە هەڵوژاردن گرنگ و خوازیاگە ئەرا نووەوکردن شەرعیەت و پڕۆسەی دیموکراسی.
لەی باوەتە; باڵیۆز یەکێتی ئەوروپا سوپاس و پیزانین خوەی ئەرا تەقەلایل نێچیروان بارزانی، سەرۆک هەرێم کوردستان پیشکەش کرد ئەرا ئەنجامدان هەڵوژاردن و چارەسەرکردن کێشەیل وەردەمی.
هەرلیوا، لە دیدارەگە باس لە پەیوەندییەیل ناوەین هەولێر و بەغدا و چارەسەرکردن کێشەیل ناوەینیان کریا.
باڵیۆز یەکێتی ئەوروپا سەردانەگەی ئی دوای بارزانیە ئەرا بەغدا و دیدارەیلی وەرد وەرپرسەیل باڵای عراق و تەقەلای ئەرا چارەسەرکردن کێشەیل وە گرنگ زانست.
وەگورەی بەیاننامەگە، لە دیدارەگە باس لە پەرەپیدان پەیوەندییە بازرگانییەیل یەکێتی ئەوروپا وەرد عراق و هەرێم کوردستان و دویاترین پیشهاتەیل ناوچەگە و گرنگی مقیتیکردن ئارامی و سەقامگیری کریا.
