راگەیانن ئیرانی: هویچ تەقینەوەیگ لەبان زەوی نویە

 لای خوەییش ئاژانس تەسنیم وە پشتبەسین وە سەرچەوەیگ ئاگادار، وت: دامەزراوە ئەتۆمییەیل پارێزگای ئیسفەهان وە تەواوی بیوەیە و هویچ رەیداویگ لەورا توومار نەکریاس.

 تەقینەوەیل لە نزیک فڕۆکەخانەی ئیسفەهان و بنکەی ئاسمانی هشتەم شکاری لە ئیران لەرزەن و وەرپرسیگ ئەمریکیش دووپات لە دەسکردن وە  پەلامار ئیسرائیل وەبان ئیران کرد.

 تووڕ خەوەری ئەمریکی ئەی بی سی دیروەخت شەو پەنجشەممە لە زوان  سەرچەوەیگ ئەمریکی بڵاو کرد کە مووشەکەیل ئیسرائیل لە شوینیگ لە ئیران کەفتنەسە خوار.

فرە لە شوینەیل ئەتۆمی ئیران لە پارێزگای ئیسفەهان نریانە لەوانە ناتەنز، کە جي باس بەرنامەی یۆرانیۆمی ئيرانە، بەڵام سی ئێن ئێن لە زوان وەرپرسیگ ئەمریکییەو بڵاو کرد کە ئیسرائیل پەلامار  دامەزراوە ئەتۆمییەیل ئیران نیەێد.

 تووڕەگە باسی لەوەیش کرد کە فرە لە گەشتەیل لە ئاسمان ئیران لاوریان.