چوين ته‌ماشای حكوومه‌ت ئاينده‌ له‌ هه‌ريم كوردستان بكه‌يم

چوين ته‌ماشای حكوومه‌ت ئاينده‌ له‌ هه‌ريم كوردستان بكه‌يم
2009-10-20T11:59:49+00:00

قسه‌وباس رووژانه‌ له‌عراق و ده‌يشت عراق ك له‌يوا له‌يه‌كه‌و دريه‌يگ كابينه‌ی شه‌شم پيكهاته‌يگ بنگه‌ فراوانه‌و جيا له‌وه‌ك وه‌كاردانه‌وه‌ی جووراوجوور جاده‌ی كوردی گوزه‌ر كه‌يگ ، ئه‌و په‌يوه‌ندی سه‌ره‌كييشه‌ وه‌ ئاراسته‌يگ جياوازتر به‌يگه‌ی ك وه‌ل حكوومه‌ت عراق فيدراڵا ديريگه‌ی ، جوير ئه‌وه‌ك دياره‌ له‌ جه‌هان سياسه‌ت ك چوين رويداگه‌يل ده‌سنيشان ئه‌رك و هه‌وه‌جه‌و جووره‌يلی كه‌ن وه‌هه‌مان شيوه‌يش له‌و چشته‌ هاوكيشه‌يك بنه‌ڕه‌تی  ئه‌را ئه‌و ئه‌گه‌ر و پيشهاته‌يله‌ دانه‌يگ ك پيشبينی كريه‌ن له‌ ئيسه‌و ئاينده‌ روی وه‌ روی هه‌ريم كوردستان بووگه‌وه‌ .

ديد گشتلايه‌ن ك ئمڕوو ئه‌را حكوومه‌ت تازه‌ كريه‌يگ قه‌يريگ سفه‌ت ناوخوه‌ييه‌ ك نه‌خشه‌ی به‌رنامه‌و گفتوگووه‌يل سياسی دانه‌ن ، بانگه‌وازكردن فراوان ئه‌را دروسكردن ئی كابينه‌ ك هه‌ردوگ ريزداره‌يل (به‌رهه‌م ساڵح و ئازاد برواری) ته‌كليف ئه‌رای كريانه‌و ، وه‌ڕه‌سمی ئه‌رك دروسكردنی وه‌پيان درياگه‌ له‌ قه‌يريگ رويه‌وه‌ ديم ئه‌و وه‌رچه‌رخانه‌ ده‌سنيشان كه‌يگ ك له‌ ئه‌رای چوينه‌يل مه‌ردمه‌وه‌ بيگومان وه‌ئوميده‌وه‌ سه‌رچه‌وه‌ گرن .

بيگومان رای گشتی زوورم هاووڵاتيه‌يل له‌ هه‌ريم كوردستان له‌وه‌ شكڵ وشيوه‌ وه‌رگريگ ك حكوومه‌ت تازه‌ كه‌فيگه‌ وه‌رده‌م دو چشت گه‌وراو پڕ له‌نرخ له‌و وه‌خته‌ ك وه‌زيره‌يل وه‌ڕه‌سمی قه‌سه‌م قانوونی خوه‌ن و ده‌س وه‌كاره‌و بوون ، ئمجا يه‌كيگيان به‌سيه‌يگه‌ ئه‌وه‌ك له‌په‌ناكاره‌يل رۆتين ئداره‌و ژيان رووژانه‌ ئه‌و قاپی يا ده‌روازه‌ بووگ ك به‌سياويگ وه‌ك هانده‌ريگ و پشتگيرييگ له‌تازه‌وه‌كردن فۆرم هه‌ڵويست يا مه‌وقف سياسيانه‌ی حزب و لايه‌نه‌يل ده‌ور خاس و بی لايه‌نی نيشان به‌يگ . له‌لايگ تريشه‌وه‌ ئه‌و هه‌ماهه‌نگی و هاوكاری چه‌وه‌ڕيكرياگه‌ گريگه‌وه‌ له‌و وه‌خته‌ ك ئه‌نجام هه‌ڵوژاردنه‌يل په‌رله‌مان عراق فيدراڵ ديارده‌يگ ، ك حكوومه‌ت ئه‌و ئشاره‌ته‌ بووگ له‌ بته‌وكردن و يه‌كخستن سرنجه‌يل له‌ كيشمه‌كيش و ريكنه‌كه‌فتن ناو خود ئه‌و په‌رله‌مانه‌ له‌ور خاتر وه‌ده‌سهاوردن گشت هه‌قه‌يل .

هويچ وه‌ختيگ ميكانزم يا ئاليه‌ت گومان وه‌ حاڵه‌تيگ ته‌ندروس نيه‌شماريه‌يگ ك ئيسه‌ هيزيگ ئۆپۆزسيۆن هاته‌سه‌ وجوود ، بايه‌سه‌ ئه‌و چشته‌يله‌ له‌بازنه‌ يا چوارچيوه‌ی سه‌رنه‌كه‌فتن مه‌زه‌نه‌كرياگ بخوه‌نيه‌نه‌وه‌و جوير وڵاته‌يل دونيا بايه‌سه‌ وه‌چه‌و ته‌واوكه‌ره‌وه‌ هه‌ڵسووكه‌فت وه‌ل به‌رزی و نزميه‌يلا بكريه‌يگ ، چوينكه‌ سروشت ريگه‌يل پيشنياركرياگ ئه‌را له‌دايگبوين ئه‌و كابينه‌ بووشايی يا فراغيگ له‌يوا نه‌يشته‌سه‌وه‌ هاوكيشه‌يل ته‌ميگ پڕ گومان و مه‌ته‌ڵيگ شڵ وشيوياگ بلكننه‌ خوه‌يانه‌وه‌ . ئه‌و لايه‌ن و حزبيشه‌ ك به‌شداری حكوومه‌ت نيه‌كه‌يگ له‌چوارچيوه‌ی هاووڵاتيبوين و هه‌قيگ ره‌وای هه‌ڵوژانن هساو ئه‌رای كرياگه‌و هه‌م ئازادی و هه‌قه‌يلی له‌ده‌ستوور مقه‌يه‌تی كرياگه‌و هه‌ميش له‌ ئه‌نجامداين هه‌ڵويست جياواز خوه‌يشی وه‌رده‌وامه‌ ، يه‌يش هه‌م مه‌عنای وجوود ديموكراسيه‌ت ده‌يگ و هه‌ميش جواويگه‌ ئه‌را ئه‌و پرسياره‌يله‌ ك ئويشن ئازاديه‌يل سياسی مه‌رزدارن .

ئه‌زموونه‌يل هه‌ڵوژاردن له‌كوردستان وه‌ل ئه‌وه‌يا ك ئه‌زموونيگ جياوازتر به‌خشيه‌ مه‌سه‌له‌ سياسيه‌گه‌مان ، دی ئه‌ركيگ نيشتمانی و نه‌ته‌وه‌يی وه‌ل خوه‌يا هاورد ك له‌و قوناغه‌ تا يه‌كلاييكردنه‌وه‌و فه‌رزكردن ده‌نگه‌يل كورد وه‌گشتی له‌ڕيگه‌ی نوێنه‌ره‌يل سياسيه‌وه‌ په‌يام هاوهه‌ڵويستی خوه‌ی ئاشكرا بكه‌يگ وه‌ له‌وه‌رچه‌وگرتن قه‌واره‌و ئه‌نازه‌ی ئه‌و كاريگه‌ريه‌ ك له‌هه‌ڵوژاردنه‌گه‌ وه‌گشت لايگه‌وه‌ تيه‌رنه‌ی ده‌س .

ئه‌گه‌ر كابينه‌ی شه‌شم حكوومه‌ت هه‌ريم كوردستان تويش معارزه‌ی ناوخوه‌يی هات ، ئه‌وه‌ بيگومان ئه‌و كه‌سه‌يله‌ له‌حكوومه‌ت عراق و ئه‌و ئاراسته‌يل سياسيه‌ ك وه‌وپيان له‌يواسه‌ ك كورد مه‌ترسيه‌ ، ئاسانتر بووگ ، له‌وه‌ر ئه‌وه‌ خواسته‌يل تاك و كاره‌يل رووژانه‌يان سونه‌تيگن و ئسپاتكردن و ده‌سكه‌فت هه‌قه‌يل تاريخيمان فه‌رزيگ موهمترن .

به‌راورد يا مقارنه‌كردن له‌ گوزران سياسی هه‌ريم كوردستان وه‌ل وه‌زع عراقا ، كاريگ مه‌نتقيانه‌ نيه‌ ك رته‌وكردن داواكاريه‌يل كورد وه‌و هه‌ڵويسته‌ جوير يه‌ك بكريه‌يگ ك حاڵ حازر لايه‌ن عراقی ئه‌را كورد كه‌نه‌ی ، چوينكه‌ ئيمه‌ هيمان له‌ پاداگرتن له‌بان كيشه‌ نه‌ته‌وه‌ييه‌گه‌مان ده‌رنه‌چيمنه‌و له‌وه‌ دڵنيا بويمن دی وه‌و ناوه‌ معرزه‌مان نيه‌كريه‌يگ ، ئه‌را نموونه‌يش : كه‌ركووك و شوونه‌يل داوڕياگ باوه‌تيگ پاك و ئاشكرای ئی وه‌خته‌سه‌ ئه‌را ئی مه‌به‌سه‌ .

Shafaq Live
Shafaq Live