كۆميسيۆن باڵای هه‌ڵوژاردنه‌يل

كۆميسيۆن باڵای هه‌ڵوژاردنه‌يل
2010-01-19T08:09:59+00:00

ئاڵشته‌وكردن نه‌خشه‌ی سياسی عێراق و په‌يوه‌نديه‌يل خارجی عێراق وه‌ل وڵاته‌يل هاوسا و ناوچه‌ی رووژهه‌ڵات ناوڕاس داشتوود . وه‌ی خاتره‌ عێراقيه‌يل بايه‌د له‌ هه‌ڵوژاردنه‌يل و ده‌نگداين و هويره‌وكردن ئه‌را دويره‌وخستن گه‌ناته‌كاره‌يل له‌ ليسته‌يل هه‌ڵوژاردنی به‌شداری بكه‌ن و گشت رووڵه‌يل عێراقی بايه‌د ته‌قالا بكه‌ن ئه‌را هه‌ڵوژاردن ئايمه‌يل پاك و شه‌رفداريگ ك دوير له‌ باوه‌ڕه‌يل پارتی و تائفين .

كۆميسيۆن باڵای هه‌ڵوژاردنه‌يل بايه‌د چه‌ بكه‌يگ ؟

كۆميسيۆن بايه‌د ده‌زگايل جوور وه‌جوور ده‌وڵه‌ت و ده‌زگايل كۆمه‌ڵگه‌ی مه‌ده‌نی وه‌كار بوه‌يگ تا نوای غه‌ڵه‌ته‌يل هه‌ڵوژاردنه‌يل گوزه‌شته‌ بگريگ و نه‌يليگ ئه‌و غه‌ڵه‌ته‌يله‌ دوباره‌و بوون .

كۆميسيۆنه‌گه‌ بايه‌د ئاشكرا بكه‌يگ ك ده‌سه‌ی كاری حكوومه‌تی سه‌روه‌خوی و بی لايه‌نيگه‌ ك له‌ڕيگه‌ی كارمه‌نده‌يل وه‌توانای له‌بان ركابه‌ری هه‌ڵوژاردنی په‌رله‌مان چاوديری كه‌يگ.

بايه‌د بزانيگ ك چوين تويه‌نيگ زوی زوی خوه‌ی ئه‌را جيوه‌جی كردن هه‌ڵوژاردنه‌يل ئاماده‌ بكه‌يگ و هاووڵاتيه‌يل به‌غدا و شوونه‌يل تر له‌تی به‌شدار بكه‌يگ .

چاوديری له‌ هێرشه‌يل هه‌ڵوژاردنی له‌ڕيگه‌ی دياری كردن تيمه‌يل تايبه‌ت وه‌ چاوديری له‌ هێرشه‌يل هه‌ڵوژاردنی و پاكيان .

ته‌نسيق له‌ناونی تيمه‌يل چاوديری كۆميسيۆنه‌گه‌ دياريان كردگه‌ و ئه‌و تيمه‌يله‌ ك له‌لايه‌ن ئه‌مينداری به‌غدا تايبه‌ت كريانه‌ .

ته‌نسيق له‌ناونی ئه‌مينداری به‌غدا كوميسيۆنه‌گه‌ ئه‌را هاوكاری له‌ناونيان له‌باوه‌ت هێرشه‌يل هه‌ڵوژاردنه‌يل و شوونه‌يل چه‌سپانن دعايه‌يل هه‌ڵوژاردنی .

زه‌رووره‌ت دريژه‌داين وه‌ دانيشتنه‌يل و ديداره‌يل و ته‌نسيق له‌ناونی كوميسيۆنه‌گه‌ و ئه‌مينداری به‌غدا تا بتويه‌نن هه‌ڵوژاردنه‌يل پاك ژياريگ جيوه‌جی بكه‌ن .

بايه‌د كاريان وه‌شيوه‌ی رووشنيگ جيوه‌جی بكه‌ن و ئه‌ی ئجازه‌ بيه‌نه‌ وه‌كيله‌يل كيانه‌يل سياسی تا شكايه‌ته‌يليگ له‌ی باوه‌ته‌ پێشكه‌ش بكه‌ن .

دياری كردن ره‌فتار تايبه‌ت وه‌ كارمه‌نده‌يل ناوه‌نده‌يل ده‌نگداين و پاكی له‌كاره‌يليان و رێككه‌فتن وه‌ل شه‌ريكه‌يل جه‌هانی ئه‌را به‌رهه‌م هاوردن مره‌كه‌و سڕی وه‌گوره‌ی به‌رژوه‌نديه‌يل جه‌هانی و چاپ كردن به‌ڵگه‌يل ده‌نگداين وه‌ به‌رژه‌وه‌نديه‌يل سڕيگ تا ته‌زوير نه‌كريه‌ن .

Shafaq Live
Shafaq Live