قه‌ور گۆڕه‌كه‌يل ده‌ربه‌ند
داسان ئێشق شرين و خسره‌و په‌روێز و دڵداين ئه‌وی وه فه‌رهاێ له ناو ئه‌دبيات ئێران وه ناوده‌نگه. دوياێ يه‌گ خسره‌و په‌روێز وه ده‌س ئه‌فسرێ جاێڵ وه ناو مهرهۆرموز(ك باوگێ پاسه‌وان سنوور نيم ڕووژ بوی و دو ساڵ وه‌رجله يه‌گ ئه‌ی كارساته بقومێگ، وه ده‌س خسره‌و په‌روێز سزا درياويگ) كوشيا،شرين وه كوڕ خسره‌و په‌روێز شێرويه وه‌ت: ك م وه عه‌نوانێ شاژن ئێران بايه‌ته پرسه‌و ئازيه‌تی خاسێگ ئه‌را باوگد وه جی بارم!. يه له هاڵێگ بوی قه‌شه‌نگ ترين پرتاڵه‌يل خوه‌ی كرد‌ويگه وه‌ر و خوه‌يشێ خاس ڕازانه‌و، ئمجا وه شه‌كه‌شكێ گران و لا‌ره لاره‌ێگ وه ماناوه‌و وه‌ل مۆبده‌يل و گه‌په‌يل كه‌فته‌و ڕی و چێ ئه‌را ته‌شليف جه‌نازه‌ی خسره‌و په‌روێز. دوياێ يه‌گ جنازه‌ێ خسره‌و نريا قه‌ور و ئازيه‌تی پرسه له سه‌ر قه‌ور خسره‌و ته‌مام بوی و تواسن بانه ڕيه‌و، شرين وه پێيان وه‌ت: م دخوازم ئه‌را دويا جار وه‌ل جه‌نازه‌ێ شويه‌گه‌ما خوداحافزی بكه‌م و دواێ بويشم، ئينگه له ليدان توام م وه ته‌نيا بێلين، ئه‌وانيش قسيه له زه‌وی نه‌خسن و ته‌نيا هيشتن، هێمان چه‌ن گام له لی دويره نه‌كه‌فتوين، ك شرين وه خه‌نجه‌رێگ له باڵ كراسه‌گه‌ی دراورد و له په‌ڕ جه‌نازه‌ی شويه‌گه‌ی خوه‌ی كوشت.
