عه‌لی حوسێن ئويشێ سپارتاكۆسیش كورده‌

عه‌لی حوسێن ئويشێ سپارتاكۆسیش كورده‌
2010-10-07T12:23:19+00:00

وه‌خاتر لێكۆڵینه‌وه‌یگ ك‌ سێ ساڵ كار له‌ملی كردگه‌ ڕه‌سيه‌سه‌ ئه‌و ئه‌نجامه‌ ك نه‌وه‌ی 96  عه‌شیره‌ت كورد ئيسه‌يش له‌ ناوچه‌ی باڵكان مه‌ننه‌.

 

عه‌لى حوسێن كه‌ریم، ك‌ ئمساڵ ئه‌نجام لێكۆڵینه‌وه‌گه‌ی سه‌باره‌ت وه‌ مێژووی كورده‌یل باڵكان له‌ كتاويگ 600 لاپه‌ڕه‌یی وه‌ زووان توركی له‌ رۆمانیا چاپ و بڵاوه‌وكرد‌، چه‌نه‌ها زانیارى له‌باره‌ى كورد له‌ وڵاته‌يل به‌ڵكان ئاشكرا ئه‌كا. له‌ گفتگووييگی وه‌ل ڕووژنامه‌ی ڕووداو وتگه"له‌ وڵاتيگ جوور هه‌نگاریا فره‌تر له‌ 100 هه‌زار كه‌س پاشناویان كوردۆه‌"، هه‌ميش ئويشی "تائيسه‌ 4000 وشه‌ی كوردی له‌ زووان رۆمانی دیه‌سه‌و‌". ئه‌و لێكۆله‌ره‌ ئويشێ ئه‌وه‌يش ئه‌رای ده‌ركه‌فتگه‌ ك‌ سپارتاكۆس، سه‌ركرده‌ی شۆڕش ديله‌يل له‌ رۆمانیا له‌ساڵ 71 وه‌رجله‌ زایین، نه‌وه‌ی ماده‌يل بويه‌: " ئمجا ئه‌گه‌ر قه‌بوول بكه‌يمن ك‌ ماده‌يل باپیره‌ گه‌ورا‌ی كورد بوينه‌، وه‌وماناسه ڕه‌سيمنه‌ ئه‌و ئه‌نجامه‌ ك‌ سپارتاكۆسیش كورد بويه‌."

 

عه‌لى حوسێن له‌ لێكۆڵینه‌وه‌گه‌ی له‌باره‌ى كورده‌ىل باڵكانه‌وه‌، ئويشێ نزیكه‌ی 300 ناوچه‌‌و شوين له‌ ناوچه‌ى باڵكان ناوه‌يلیان وه‌ وشه‌ی (ئاوا) كوتایی ئه‌يه‌ێ: ئاچید ئاوا، سوچید ئاوا، یا بێكه‌س ئاوا له‌ هه‌نگاریا.

 

له‌ كتاوه‌گه‌ی عه‌لی حوسێن وه‌ناو Tarihte Balkan Yarmadasinda Kürtler  ناو 96 عه‌شیره‌ت كورد جوور نموونه‌ هاوردگه‌ ك‌ ئيسه‌يش نه‌وه‌یليان له‌ باڵكان ‌ژیه‌ن و ناوبرياگ وه‌ليانا قسه‌ كردگه‌. عه‌لی حوسێن ئويشێ ناو ئيسه‌ی عه‌شیره‌ته‌يل‌ كورد له‌ كتاوه‌گه‌ی وه‌ل ئه‌و ناوه‌يله‌ به‌راورد كردگه‌ ك‌ وه‌خت خوه‌ی هێرۆدۆت مێژوونويس گریك ناویان هاوردگه‌ ك‌  وه‌ (باوگ مێژوو) ناوی ‌بريه‌ێ . وه‌لی بڕيگ ئاڵشت وئوڵشت له‌بان ناوه‌گانیان هاتگه‌، عه‌لی حوسێن ئه‌رای ده‌ركه‌فتگه‌ ك‌ "هه‌ر یه‌كيگن". ئه‌را نموونه‌ (دۆلۆنسی) بويه‌سه‌ (ده‌لۆ)، (ده‌رسه‌یی) بويه‌سه‌ (دزه‌یی)، (گه‌تی) بويه‌سه‌ (گه‌ردی)، (سووجی) بويه‌سه‌ (سوورچی)، (زبالێیۆنی) بويه‌سه‌ (زێباری)، (به‌ره‌سنی) بويه‌سه‌ (بارزانی) و (مووێسی)یش بويه‌سه‌ (مزووری).

Shafaq Live
Shafaq Live