رووژنامه‌نويسه‌يل ده‌يشت هه‌رێم له شه‌فه‌ق وه‌ل يه‌كا ده‌رد دڵ ئه‌كه‌ن
رووشنهويری گه‌ورايگ له باره‌گای ده‌زگای شه‌فه‌ق به‌رپا كرد و حه‌يده‌ر قوتبی مامۆستای ده‌سمه‌ێه‌تده‌ر له كۆليژ ئعلام موحازه‌ره‌يگ پێشكه‌ش كرد و ئشاره‌ت كرده واقع حاڵی رووژنامه‌نويسه‌يل و رووژنامه نويسی كوردستانی له ده‌يشت هه‌رێم كوردستان .
ناوبرياگ هه‌ميش ئشاره‌ت كرده كيشه‌و سه‌ختيه‌يل رووژنامه‌گه‌ری كوردستانی له ده‌يشت هه‌رێم ئه‌وه‌يش وه‌خاتر بی به‌ش كردنی له ياسا‌يل و بڕياره‌يل ده‌ر كرياێ له هه‌رێم كوردستان له‌يه‌كلا و، له‌لايگتره‌و ته‌نسيقيگ له‌ناونی لق سه‌نديكاگه وه‌ل سه‌نديكای رووژنامه نويسی عێراقی وجوود نه‌يرێ وه‌ی خاتره له به‌رژوه‌نديه‌يليگ له‌لايه‌ن سه‌رۆكايه‌تی ئه‌نجوومه‌ن وه‌زيره‌يل پيشكه‌ش رووژنامه نويسه‌يل ئه‌كريه‌ن جوور به‌شه‌و كردن زه‌و‌يه‌يليگ له‌بان خێزانه‌يل رووژنامه نويس و باوه‌ت سلفه‌ی دارايی پيشكه‌ش كرياگ وه‌ی خێزانه‌يله بی به‌ش كريانه . له‌شوون كوتایی هاتن وه موحازه‌ره‌گه گۆفتگووه‌يليگ له‌ی باوه‌ته له‌لايه‌ن ئاماده بويه‌يل دانيشتنه‌گه ك نوێنه‌ر لايه‌ن رووژنامه نويس كوردستانی له به‌غدان ئه‌نجام گرت و له‌شوونيش عه‌لی حسێن فه‌يلی سكرتێر لق سه‌نديكای رووژنامه‌نويسی كوردستانی له به‌غدا وه پرسياره‌يل ئاماده بويه‌يل جواو دا و قه‌ول دا ك پيشنيار و رخنه‌يليان بڕه‌سنيگه لايه‌نه‌يل په‌يوه‌نديدار .
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
