تاوانيگ ك هويچ سزايگ نه‌يرێد!

تاوانيگ ك هويچ سزايگ نه‌يرێد!
2019-05-22T21:45:45+00:00

عه‌لى حسێن فه‌يلى/ هه‌ناى ك وه‌ چه‌ك كيمياوى بۆردومان هه‌ڵه‌بجه‌ كريا، وه‌ ريككه‌فتن من له‌ سه‌ردان كه‌مپ په‌نابه‌ره‌يل بويم له‌ ئيران(سه‌رياس - سه‌ر وه‌ پاريزگاى كرماشان)و شانديگيش بيگانه‌ سه‌ردان ئه‌و مه‌ردم سته‌مديده‌ كردوێد ئه‌را ئه‌وه‌گ له‌ نزيكه‌وه‌ ئاگادار بارودوخيان بدێ.

وه‌ل ئه‌وه‌يشا ها يادم ك پيره‌مه‌رديگ ريش چه‌رمێ(ك دوياخر ئه‌رام ده‌ركه‌فت مامۆستا بويه‌ له‌ خوه‌ندگايگ له‌ورا)له‌ جواو رووژنامه‌نويسيگ بيگانه‌ له‌باره‌ى داواكاريه‌يليان وت: ئيوه‌ له‌ كوورا بوين هه‌ناى وه‌ چه‌ك كيمياوى بۆردومان كرياێم؟ ئه‌راچه‌ هه‌ميشه‌ دوياى كه‌فتنه‌وه‌ى روێداگ ئه‌يه‌ين؟ ئه‌راچه‌ هويچ كاريگ نه‌كردين هه‌ناى ك چه‌ك كيمياوى داينه‌ سه‌دام؟ ئه‌و وێنه‌يل ئيمه‌ ك ئه‌گرينه‌ێ جياواز نيه‌ له‌ كاره‌ساته‌يل تر ك هاته‌سه‌ تويشمان! ئايا داواكارى سته‌مديده‌ و ده‌ركرياێ بايه‌سه‌ چه‌ بدێ ك ئه‌خوازين پرسيارى بكه‌ين و جواوه‌گه‌ى نازانين؟!

 

كيشه‌گه‌ له‌وه‌سه‌ قوربانيه‌يل جه‌نگ جه‌هانى دويه‌م ك شماره‌يان له‌ 50 تا 85 مليۆن كه‌س بوێ به‌تاڵ نين له‌ كورد، ئيمه‌ ناويشيم شماره‌يان چه‌نيگه‌، راسه‌ جه‌نگ ناونى كاسۆليك و برۆتستانت نزيكه‌ى هه‌فت مليۆن قوربانى له‌لى كه‌فته‌و، هويچ موسڵمانيگ كورد نه‌كوشيا، وه‌لێ قوربانيه‌يل له‌ناوبردنن وه‌جه‌م كورده‌يل فه‌يلى و بارزانيه‌يل و بۆردومان كيمياوى كوردستان و ئه‌نفال و له‌ تاوان كوشتن وه‌جه‌م ئێزيديه‌يل و هه‌وڵ له‌ناوبردن شه‌به‌ك و كاكه‌يه‌يل ك له‌ گه‌رميان روێدا تا بادينان گشت ئه‌يانه‌ كورد بوين.

 

ئى يادوه‌ريه‌يله‌ وه‌پيان ئويشن، ك كورد وه‌ كرده‌وه‌ په‌لامار دريان ئه‌را ده‌يان جار تا ره‌سيه‌ له‌ناوبردن وه‌جه‌م(جينۆسايد)و بۆردومان كيمياوى، چوينكه‌ له‌ناوبردن وه‌جه‌م نه‌ته‌وه‌يگ ته‌واو وه‌ناو كورد له‌ ديد دوژمن مه‌سه‌له‌يگه‌ شايسه‌ى ئه‌وه‌س سه‌دان جار هه‌وڵ ئه‌راى بيه‌ن و فكره‌يگ له‌يوا له‌لاى هاووڵاتيه‌يل عراقى دروس بكه‌ن ك سه‌رچه‌وه‌ى كيشه‌يل "ملله‌تايه‌تيه"‌،و له‌ى بواريشه‌ ناو كورد جوور دوژمن سه‌ره‌كى خستنه‌ڕوێ.

 

له‌ى گووشه‌وه‌/ دوباره‌ داگيركردنه‌وه‌ى خاك و موڵكه‌يل كورد له‌ سه‌رانسه‌ر ئى وڵاته‌ ئه‌وه‌ ئه‌رامان چه‌سپنێد ك تا ئى سه‌رده‌ميشه‌ خاوه‌ن ده‌سڵاته‌يل و زوورم لانه‌يل سياسى عه‌ره‌بى و به‌شيگيش له‌ مێژوونويسه‌يل و له‌وه‌ر خاتر دژايه‌تيكردن كورد ديد مه‌سعودى و ئبن خه‌لدون ئه‌گرنه‌ خوه‌يان، جوور ئه‌وه‌گ روێدا هه‌ناى ك ريزدار نورى مالكى سه‌رۆك حكومه‌ت عراقى بوێ و خاسترين نوێنه‌ر ئه‌و فكره‌يله‌ بوێ وه‌ل په‌ياكردن مه‌هانه‌و ده‌سپيچگ ئه‌را سياسه‌ته‌گه‌ێ و باس له‌وه‌ كردياد جه‌نگ ئاينده‌ له‌ناونى كورد و عه‌ره‌ب روێ ئه‌ياد!

 

به‌غدا خاس ئه‌زانێد ك كورد هه‌ميشه‌ هاتنه‌سه‌ دونيا خاوه‌ن خاك بوينه‌، وه‌لێ بايه‌سه‌ له‌بانيان بمرن وه‌بى نيشتمان، ئه‌زانن ك كورد نه‌ته‌وه‌يگ فريه‌ ئايين و مه‌زه‌وه‌، وه‌لێ ئه‌خوازن له‌ دونيا ده‌ربچن وه‌بى ديانه‌ت! ئمڕوويش هه‌ناى ك جاريگ تر ته‌عريب ئه‌يه‌ێده‌و ئه‌را مه‌يدانه‌گه‌و وه‌شيوه‌يگ ئاشكرا مه‌شق ئه‌كريه‌ێد و باس ئه‌كه‌فێده‌ بان سزانن به‌رهه‌م هاووڵاته‌يل و ده‌ركردنيان له‌ شوونه‌يليان، كورد مه‌يل ئه‌و باوه‌ڕه‌ نه‌يرن ك حكومه‌ته‌يل وه‌رين و ئيسه‌ى عراقى له‌ هه‌ر دوژمنيگ ده‌ره‌كى زياتر بوينه‌سه‌ هووكار كووچ وه‌پيكردن و راوناين هاووڵايه‌يل ئى وڵاته‌و رژيمه‌يل زووردار سياسى ده‌سكردنه‌ مه‌شق له‌بان كوشتن و ته‌نكيل دژ گشت پيكهاته‌يل و چينه‌يل ئى ملله‌ته‌. وه‌ختيگيش ك ريكخرياگ تيرۆريستى داعش ده‌سكرده‌ داگيركردن سێكوتى خاكه‌يل عراقى و گه‌وراترين كرده‌وه‌يل كوشتن و راوناين و كووچ وه‌پيكردن ئه‌نجام دا، شوفێنيه‌يل ئحساس وه‌ ژان نه‌كردن وه‌رانوه‌ر ئه‌وه‌گ روێدا ك گه‌وراتر بوێ له‌ ژانه‌يليان له‌ باس كورد له‌باره‌ى مقه‌يه‌تيكردن له‌ بيتاوانه‌يل و مه‌ردم ناوچه‌يل داواڕياى كوردستانى.

 

هه‌ر له‌ زويه‌و وه‌ به‌راورد وه‌ل زوڵم دژ كورد كه‌سيگ زوڵم نه‌يه‌ له‌ عراق و ئى وڵاتيشه‌ بويه‌ وڵاتيگ جوور ئه‌وه‌گ ئويشن"كافره‌يل هش وه‌ ناڕه‌حه‌تى ئه‌كه‌ن وه‌رانوه‌ر موسڵمانه‌يل" له‌تى. وه‌ل ئه‌وه‌يشا ئاساييه‌ كورد له‌وه‌ر خاتر جيوه‌جيكردن مادده‌ى 140 گه‌ورارترين هه‌وڵ بيه‌ن، وه‌لێ چه‌ن ساڵ تر بايه‌سه‌ سه‌بر بكه‌ن له‌بان زوڵم مادده‌يگ ك وه‌بوونه‌ى پشتگووشخستنى كه‌س ناكوشێد بيجگه‌ كورد و كه‌س راو نانه‌ێد له‌وه‌ر هه‌مان هووكار، چوينكه‌ مه‌ردمه‌يل تر باوه‌ڕ وه‌پى نه‌يرن؟!

Shafaq Live
Shafaq Live