ئیمه نیازمه‌ندیمن، نه ئی بوونه‌‌یله
هه‌‌ر كه‌س ڕاز دڵ خو‌ه‌ى له ناوى بنویسنێ
ئى باسه فر‌ه ئه‌‌ڵگرێ ك ڕ‌ه‌مز نه‌‌ورووز چه هاله‌تى، ههڵهبجه چوین و ئه‌‌را كوشیا، بارزانى كه‌‌ى له داڵگ په‌یابى ، به‌‌یان 11 ئازار چوین نویسا و گشت ئه‌‌و ڕویداگه‌‌یل تيه‌ڵ و شرینه ك له ناو ئى مانگه جه‌‌م به‌‌سانه هه‌‌رزێ ك له‌بار‌ه‌یان فكر‌ه‌و بكه‌‌یمن
* تاریخ نویسه‌‌یل جوور سیاسيه‌ل نین تا هه‌ڵه په‌ڵه له نویسانن ڕووژ له داڵگ بوین كه‌‌سايه‌تيه‌ل بكه‌ن یا بوونه‌‌یل له هویریان نه‌‌مینێ، گشت عراقيه‌یل و ئیمه‌ى كورد زانیمن ك ئه‌‌د‌ه‌بیات سیاسى له شوون به‌‌یان ئازار ئاڵشتبى و ڕه‌نگتر گرته خو‌ه‌ى و له‌و چوار ساڵه ك جه‌‌نگ وسیا مه‌یدان ئه‌‌راى كار هاوبه‌‌ش و بته‌و كرد و تو‌ه‌نست ئى باو‌ه‌ڕ‌ه بچه‌‌قنێ ك گشت تو‌ه‌نن شه‌ریك و هاوماڵ بوون له‌ى وڵاته
* نه‌‌ورووز ته‌نیا موڵك ئیمه نيه و ته‌نانه‌‌ت بڕێ له ئه‌‌وانه‌‌ێ گرفت سیاسى و تاریخى و قه‌‌ومى یا نه‌‌ته‌وه‌یی و‌ه‌لیان دیریمن له‌ى بوونه شه‌ریكمانن و‌ه‌لى هیچ لایگمان نه‌‌تو‌ه‌نستیمنه ك و‌ه‌ل تاز‌ه‌و‌ه بوین و‌ه‌رز و فه‌‌سڵ ساڵ نه‌‌ورووزانه به‌‌شه‌و بكه‌‌یمن و له ڕ‌ه‌نگ دشمنى كه‌‌مه‌و بكه‌‌یمن
* ههڵهبجه شاریگ كورد نشینه و‌ه‌لى قوربانيه‌یلى جينۆساید بيه‌سه ڕ‌ه‌مز و موڵك ته‌مام ملله‌ته‌یل به‌‌شخوریاگ و زوڵم له‌لى كریاگه ك له چنه بوونه‌‌یلیگ خوهیان له ناوى دویننه‌‌و! ئمجا هه يه نیشان ئه‌‌دا ك گه‌‌وراترین د‌ه‌سكه‌‌فته‌یل سیاسى و قانوونى كورد نه له بوونه‌‌یل خو‌ه‌ش به‌‌ڵكم له تراژدیا و كار‌ه‌ساته‌یل جوور ههڵهبجه و‌ه‌د‌ه‌س هاتنه!
* ئیمه ڕابه‌‌ر‌ه‌یل فر‌ه‌یگ داشتیمنه ك هه‌‌ركام د‌ه‌ور و نه‌‌خش خوهیان بردنه و‌ه‌لى گه‌‌وراترین باوگ ڕووحى كورد له سه‌‌د‌ه‌ى بیستم و ڕابه‌‌ر هه‌‌میشه زینگ ك تو‌ه‌نست ناومان بخاد‌ه ناو ناو‌ه‌یل و كورد و‌ه دنیا بناسنێ مسته‌فاى بارزانى بی ك يه‌كیگ له گه‌‌وراترین و سه‌‌ختترین و دریژترین شوورشه‌یل هه‌‌ق خواز له جهان ڕابه‌‌رى كرد، ئه‌‌و جوور گشت مناڵ كوردیگ چه‌‌و واز كرد و‌ه‌لى نه جوور رابه‌‌ر حزبیگ به‌‌ڵكم جوور رابه‌‌ر ملله‌تیگ سه‌‌ر ئه‌‌ونا... و‌ه باو‌ه‌ڕ مه‌ردم ئیمه ئه‌‌و ڕابه‌‌ر گه‌‌وراترین ملله‌ت به‌‌ش خوریاگه ك یاد ڕووژ په‌یا بوینى ئه‌‌رامان یاد زینگ كردن داواو خواسته‌یل ڕ‌ه‌وامانه! ئمجا زانیمن ك كى فیشتر نیاز و‌ه‌ى بوونه‌‌یله دیرید تا هه‌‌م له نوو خو‌ه‌ى په‌یدا بكا...
