ئه‌وچشته‌چه‌يگه‌هان قه‌يريگ له‌نويسه‌رو رووشنهويره‌يل ده‌يگ پشگيری فه‌يليه‌يل بكه‌ن له‌مه‌ينه‌تيه‌يليان ؟

ئه‌وچشته‌چه‌يگه‌هان قه‌يريگ له‌نويسه‌رو رووشنهويره‌يل ده‌يگ پشگيری فه‌يليه‌يل بكه‌ن له‌مه‌ينه‌تيه‌يليان ؟
2009-11-18T08:14:34+00:00
ورووشنهويره‌يل عه‌ره‌ب عراق و كه‌سه‌يل تريش لايه‌نيان گرتن له‌وانه‌ك ئه‌و كاره‌ساته‌ره‌ته‌وكردن ك ده‌رهه‌ق وه‌كورده‌يل فه‌يلی ئه‌نجام درياو له‌هه‌مان وه‌خت وه‌يه‌كيگ له‌كوشتن وه‌جه‌م ده‌رهه‌ق وه‌ئنسانيه‌ت زانستنه‌ی و هه‌ر له‌وه‌ر ئه‌وه‌يش وه ئه‌خلاقيگ پاكه‌وه‌قه‌ڵه‌مه‌يليان خستنه‌كار ئه‌را وه‌رگيريكردن له‌كورده‌يل فه‌يلی و باس له‌وه‌زع سه‌خت فه‌يليه‌يل كردن ك هاته‌تويشيانه‌وه‌وه‌سه‌به‌ب گه‌نڕه‌فتاری رژيم له‌ناوچگ و هه‌ڵويست ره‌گه‌زپه‌رسانه‌ی . له‌ليان بوی  وه‌هه‌وڵ وته‌قلای فره‌يگه‌وه‌ داوای هاوردنه‌وه‌ی هه‌قه‌يل داگيركرياگيان كرد ك تا ئيسه‌حكوومه‌ت تازه‌وه‌شيوه‌يگ جددی لايگ نه‌كردسه‌لايانه‌وه‌و هويچ بڕياريگ له‌ی باوه‌ته‌وه‌ده‌رنه‌كردگه‌و له‌ليانيش بوی ده‌سكردنه‌هه‌وڵداين ئه‌را ئه‌وه‌ك گشت چشتيگ بووه‌نه‌وه‌ئه‌را بنه‌ڕه‌ت خوه‌ی جوير ئه‌وسا . ئه‌وه‌بوی ئه‌و نويسه‌ره‌يله‌رووشنايی خستنه‌بان ئه‌و مه‌سه‌له‌ك هه‌رچه‌نی ئه‌وانه‌يش له‌كورده‌يل فه‌يلی نين ، وه‌لی له‌وه‌ر ريز وحورمه‌ت و په‌يوه‌ندی ئنسانيه‌ت وه‌گشت ره‌نگ و دين و تايفه‌يليه‌وه‌ئی هه‌وڵه‌ده‌ن و گه‌ردنه‌شوون ئه‌وه‌ك رووشناييگ بڕه‌سننه‌دڵه‌يل و ئه‌قڵيه‌ت مه‌ردمان فره‌يگ ك تائيسه‌يش هيمان هه‌ر به‌عزيگ له‌ليان ئه‌قڵيه‌ت كويه‌ن چه‌رخه‌يل ناوڕاس ديرن ك تاريخ وه چه‌رخ زوڵم و زوورداری نويساسه‌ی و له‌ليانيش هه‌س ها له‌ئه‌قڵيه‌ت زه‌مانه‌ی نه‌فامی ك فامستنيگ ديريگ و نه‌يش هسكردن ديريگ هه‌ر له‌رووژ له‌دايگبوينيه‌وه‌تا رووژ مردنی و نيه‌زانيگ گشت دونيا گه‌شه‌كرد و په‌ره‌سه‌ندو ملله‌ته‌يليش پيشكه‌فتن و به‌شداری كردن له‌دروسكردن ژيار يا هزاره‌ی ئنسانی و گشت ئاده‌ميزاد نه‌ف له‌لی وه‌رگرن . بيگومان ئه‌و هه‌ڵويست نويسه‌ر و رووشنهويره‌يله‌ك كريه‌يگه‌دی وه‌ل ئه‌و هه‌مگه‌هه‌وڵ و ته‌قلاو چالاكيه‌يله‌چ وه‌تاك چ وه‌جه‌م له‌نويسانن باوه‌ته‌يل و ئاماده‌كردن دراسات و ديدار وه‌ل وه‌رپرسه‌يل ده‌وڵه‌تا ياوه‌گووره‌ی نامه‌نويسان وه‌شيوه‌يگ شه‌خسی و دڵسووزی و خوه‌شه‌ويسييان ئه‌را كورده‌يل فه‌يلی و پشتگيريكردنيان ئه‌را هاوردنه‌وه‌ی هه‌قه‌يليان ، ئه‌يه‌وه‌راسی هه‌ڵويستيگه‌پڕ له‌ريز وحورمه‌ت و ئه‌يه‌سه‌ره‌فتار و هه‌ڵويست و شوناسنامه‌ی راسه‌قينه‌ی رووشنهوير ته‌واو ك جيايان كه‌يگه‌وه‌له‌وانه‌ك هه‌ر خه‌ريك ناڕه‌فتاری و بوختان و له‌هه‌مان‌ رووشنهويری خوه‌يان ده‌نه‌قه‌ڵه‌م . ئی جووره‌هه‌ڵويستيگ له‌لايه‌ن ئه‌وانه‌ك پشتگيری له‌مه‌سه‌له‌ی كورده‌يل فه‌يلی كردنه‌بيگومان تاريخ هه‌ر زنگيه‌و كه‌يگ و هه‌ر رووشنايه‌و كه‌يگ ئه‌را ئه‌و كه‌سه‌يله‌ك توان بزانن چ هووكاريگ سه‌ره‌كی بويه له‌يوا كرده‌سه‌رژيم رمياگ تا كاره‌سات ده‌رهه‌ق وه‌كورده‌يل فه‌يلی ئه‌نجام به‌يگ و چه‌نيگ زوڵم له‌ليان كرياگه‌و چه‌نيگ زه‌ره‌د وه‌پيان ره‌سيه‌؟
Shafaq Live
Shafaq Live