ئاڵشتبویەیل عیراقی

ئاڵشتبویەیل عیراقی
2020-05-23T23:54:33+00:00

عەلا خەتیب
گورانییگ هەس ئویشێد: جيت العب ويه البيض مالاعبني
گالنلي وكتك راح وتعذرني
واتەگەی: هاتم بازی وەل چەرمگەیلەو بکەم نەخستنەمە بازی
وتن روزگارد چگ، وداوای لێبوردن کردن
راسی تاڵیگە وەلی واین لەلی نیە، هەرکەسیگ روزگار خوەی ودەوران خوەی دیرێد.
وەردوامی رەوشیگ مەحاڵە
بڕیگ لە سیاسیەیلە و وەرپرسە کلاسیکیەگان نێەخوازن لەی راسیە بڕەسنه‌و ، ک روزگاریان چگە ری، چوینکە وەرپرسەیل نوو دیارکەفتن، بۆچون سیاسی جیواز دیرن، وزوان جیواز خوەیان دیرن، هەمیش جەماوەر جیواز خوەیان دیرن، جەماوەریان ک بیزار بوی لەدروشمە کۆنەگان، وقسەیل وەرپرسەیل ک یادی پیچیاگە وە مەوقیگ ک فرە نەهامەتی هێشتەجی، ولە ناو دەروینەیل جوو خوسەو خەفەت چاڵ کریاس.
خۆپیشاندان وخوین شەهیدەیل وقوربانیە گەوراگان ک گەل عیراق داگەسەی ئەگەر نیە ک بیخود بچوود، وبایەسە ئاڵشتبوی نوو له‌ شوونی بوود.
ئاڵشتبویەیل زوینە ک دیمەن سیاسی عیراق لە دەیشت وناو دوینێدەی هێشت بڕیگ سەرسام بوون، کەسیگ نیەتوێنێد چەرخ ئاڵشبوین بوسنێد یا ریەگەی ئاڵشت بکەێد.
شایەت بڕیگ ناوی بنەێد هەڵگەڕانەوەیگ ورد، یا وەپی بویشێد دووچەوەکی ئەرا ئی لایەنە یا ئەرا ئەو لایه‌نە، بەڵکم راسیەگە خوی ئاڵشتبوییگە جەختی هابان ئەزموون میژوی لە ریکردن نیشتمانەگان.
چوین کوردستان قۆناغ وەرپرسیارەتی مێژوەی بڕی، وهاتە قۆناغ وەرپرسایەتی گەنج، بەغدادیش هالە مەوقەی ئاڵشتبوین دڕاماتیکی، وەرەو وەرپرسایەتەیل گەنج وکارەگەر.
ئی هەڵقوڵانە شایسته‌ی کۆمەڵاتی و سیاسیە، ئاڵشتبوینیگە لە قۆناغ شۆڕش ئەرا دەوڵەت، و لە قۆناغ دروشم ئەرا کردەوە، دەوڵەت هویریگ جیواز خوازێد لە هویر ئۆپۆزسیۆن، هویر بونیادو کارو کردەوەی راسی.
لەبەغداد ئاڵشتبوی گەورایگ هاتەدی لە ری وەرپرسەیلیگ گەنج ك توانای کردەوە دیرن، وتوانای رەفتار وەل لەیەکنەچگەیل هەرێمی و ناودەوڵەتی دیرن، وئی روژەیل هاتگە رەفتاریگ سیاسی تێەیدەدی ک هەر جوور رەوش وەرین نیە.
ئەوەی ک عیراق دوینێدەی لە ئاڵشتبوین لە مەغز سیاسی یا رەفتار سیاسی خوەی سەرەتایگ هاندەرە هەرچەن تەواو نیە. دەرکەفتن وەرپرسایەتیەیل گەنج، هەڕەشە له‌ وەرپرسایەتی کلاسیک دا ک خوەی چەسپان و توانای قورتاربوین نەیرێد لە میرات وەرین خوه‌ی، وخود وەختەگە ئازاییگ نەیرێد ک بیلێدەی بویشێد من شکست هاوەردمە.
یەیش توێەنیمن لە بەرسڤدان بڕیگ لە وەرپرسە سیاسیەیلە بدوینیمن، وەختا هەست کەن ک گلیمەگە لەژیاریان کیشیا، دەسکردنە ئاژاوە و ململانە تا چەرخ جویلەگە بوسنن، و وەرپرسایەتی گەنج پێشەل بکەن، تا هاوماڵی وەلیانەو بکەن.
بوختکردن و هەڵمەت راگەیانن ک کەناڵەیلیان ودوسەیلیان لەلی دەوریگ رانن، گامەیل ئاشکرایگە ك ئەو نائومیدیە ئی چینە پوشاگە نیشان دەێد، چوینکە هاواریان وە وەخت ژانیانە، بەڵکم بایەسە بزانن ک فیستڤاڵەیل رسواکردن ورمانن و نوقڵانەدان وە دەرخستن فایەلەیل نەما، و هەرچە ک خەو وەپیا دیان هەوا بردەی، چوینکە عیراقیەیلە تەماشای سووێگ جیواز کەن، ك گشت رەنگەیلی وناوەیلی، جیوازە وە دەمچەوە سیاسیەگانییش. چوینکە روژگار پیرەیل چگ.

Shafaq Live
Shafaq Live