ئاوه‌دانی چه‌وه‌ڕی ئه‌كا

ئاوه‌دانی چه‌وه‌ڕی ئه‌كا
2010-01-19T07:16:06+00:00

له‌لی دويره‌و كه‌فت، به‌غدايگ له‌ دريژه‌ی ئه‌ی سه‌ده‌يل گوزه‌شته‌ تويش جه‌نگه‌يل فره‌يگ هات ك شماره‌يان زياتر له‌ 15 جه‌نگه.‌ ته‌قالا ئه‌كا سه‌رله‌نوو بووسيگه‌ سه‌رپا و ئاشكرا ب‌كا ك جاری وه‌تواناتر له‌و كه‌سه‌يله‌سه‌ ك ئه‌خوازن ويرانی بكه‌ن و روشنايی ئه‌را هه‌ميشه‌ بكۆشننه‌و، وه‌لی ملله‌ت عێراقيگ دڵ دانه‌سه‌ ئه‌ی خاك پاكه‌ نيه‌يلن ئه‌و ئامانجه‌يله‌ سه‌ربكه‌فێ .

ئه‌ی چشته‌ مايه‌ی سه‌رسويڕمانه‌ ك بڕيگ له‌ دام و ده‌زگا‌یل خزمه‌تگوزاری  جاری قه‌بوول نا‌كه‌ن ك له‌ی ريگه‌ ته‌قالا بكه‌ن وه‌جووريگ وه‌ شيوه‌ی ئاراميگ كار ئه‌كه‌ن و پرۆژه‌يل ئاوه‌دانی جيوه‌جی ئه‌كه‌ن ، ئه‌ی دام و ده‌زگا‌یله‌ ‌ ك گشت تواناييگ ديرن ئه‌را جيوه‌جی كردن پرۆژه‌يل ئاوه‌دانی ، جوور دارايه‌يليگ ئه‌رايان تايبه‌ت كرياس ك له‌ گوزه‌شته‌ وه‌چه‌و نه‌ينه‌سه‌ی يا ئامێره‌يل پێش كه‌فتگ و كادره‌يل ته‌دريب درياگ و ئه‌زموون فره‌ و كارگه‌ره‌يل وه‌توانا له‌ گشت پارێزگايه‌يل عێراق ك له‌شوون ده‌رفه‌ت كاری گه‌ردن . ئايا وه‌ڕاسی مايه‌ی ئه‌ڵاجه‌وی نيه‌ ك دام و ده‌زگا‌یليگ گشت هه‌وه‌جيليان ئاماده‌ كرياس چه‌وه‌ڕی تۆمه‌ته‌يليگ ئه‌كه‌ن ك هاووڵاتيه‌يل ده‌نه‌ پيان و ئه‌و تۆمه‌ته‌يله‌ قه‌بوول كه‌ن وه‌ بی ئه‌وه‌گ چالاكيگ له‌ خوه‌يان نيشان بيه‌ن ئه‌را خزمه‌ت كردن وه‌ هاووڵاتی وه‌ تايبه‌ت ك حكوومه‌ت له‌ ساڵ 2008 دروشم ئاوه‌دانی به‌رزه‌و كرد، وه‌لی دوينيم ك پا نايمنه‌سه‌ ناو ساڵ 2010 و هاووڵاتی جاری له‌ حاڵ و رووژيگ پڕ له‌ كه‌می خزمه‌تگوزاريه‌يل ژيه‌يگ وه‌ تايبه‌ت له‌ بواره‌يل ئاو و كاره‌با و ريه‌يل وه‌ نيه‌زانن ك ئايا هاووڵاتی هه‌ر له‌يوا دريژه‌ ده‌يگه‌ ژيانی و چه‌وه‌ڕی ئه‌كا تا حقوقی زامن بكريه‌يگ ك ته‌نيا وه‌ كه‌میگ ته‌قالا نياز ديرێ ؟ وه‌ يا ئايا هه‌ر له‌يوا مينيم و ته‌نيا گوش ته‌كنيمنه‌ ته‌سريحه‌يليگ هويچ وه‌خت جيوه‌جی ناكريه‌ن ؟ يا نه‌ له‌ ئايه‌نده‌ هاووڵاتی سه‌رله‌نوو خوه‌ر وه‌چه‌و دوينيگ و عێراق ئاوادانه‌و كريه‌يگ . ..

Shafaq Live
Shafaq Live