جنگ كويه‌ن فه‌يليه‌يل

جنگ كويه‌ن فه‌يليه‌يل
2017-07-29T18:46:00+00:00

شه‌فه‌ق نيوز/ ئيمه‌ شايه‌ت تواناێ ئه‌وه‌ داشتويم ك بويشێم كورده‌يل فه‌يلى جوور باقى پيكهاته‌يل هه‌ر نه‌ته‌وه‌يل تر دابه‌ش بوينه‌ له‌بان دو به‌ش، ئه‌وانه‌گ ك شه‌كه‌ت بوينه‌ له‌ كار و خه‌مه‌يل ئاينده‌ێ ئى پيكهاته‌، ئه‌وانه‌ هه‌ناێ ك شه‌وانه‌ سه‌ره‌و ئه‌نه‌ن وژدانيان راحه‌ته‌، ئه‌وانه‌يش ك بيكارن و به‌تاڵ و دريغيكه‌ر و ره‌زيلن دژ ده‌سكه‌فته‌يل ئى به‌شه‌نه‌ له‌ ملله‌ته‌گه‌مان و روژگاريان پڕه‌ له‌ خوه‌شێ ئاوڕوێبه‌ر، ئمجا دوشمنه‌يليش مه‌يليگ وه‌ قه‌واره‌يان وه‌پيمان نه‌يانه‌.

 

ئه‌دێ وه‌ خوه‌مان بويشيم هه‌ناى ك واران ئه‌وارێد، يادگاريه‌يلمان جوور قه‌تره‌ێ ئاو چووڕيه‌ێد و ئه‌خاده‌ هويرمان ك له‌ گوزه‌يشته‌ چشته‌يل فريه‌يگمان خراو دڵته‌نگ بويه‌، وه‌لێ وه‌ شيوازيگ فيشتر له‌ ئنسانيه‌ت هويره‌و كرديايم، فه‌يليه‌يليش جوور مه‌ردمان تر وه‌فادار و دڵسووز تر بوين و ته‌كفير نه‌زانستيان و فريه‌ييش له‌ ره‌نگ و باوه‌ڕ جوان بوێ له‌لايان، ئمڕوويش زوڵم و سته‌م گه‌ورايگ هه‌س ده‌رهه‌قمان، وه‌لێ رخه‌وبردن و ترساننمان مه‌هانه‌ نيه‌ ئه‌را تاسيانمان وه‌شيوه‌يگ فراوانتر، له‌ڕاسييش فريه‌يى ره‌خنه‌و شكايه‌ت و مناكردن ئامانج له‌لى واين و دويرگرتنه‌ له‌ وه‌رپرسيارێتى له‌ نه‌ڕه‌سين ئه‌را ئامانجه‌يلمان و ماقوڵيش نيه‌ ك چه‌ن ده‌رفه‌تيگيش ئه‌رامان هه‌ڵكه‌فت و بويشيم ده‌رفه‌ت نيه‌ ئه‌رامان، نه‌خێر وه‌ چه‌واشه‌وه‌، به‌ڵكوو ديد مه‌وسمێ ئه‌را هه‌ڵوژاردنه‌يل و چشته‌يل تر ئه‌و ده‌رفه‌ته‌ سه‌خته‌و كردن.

 

بيگومان ئه‌وسا ئيمه‌ ئه‌و شماره‌ێ گه‌ورا بويمن ك وجوود داشتياد له‌ گشت شوونيگ، وه‌لێ ئمڕوو  شماره‌مان وه‌ كه‌م دوينن و وجوود ئه‌رامان له‌ هويچ شوونيگ وه‌دێ ناكه‌ن!! با ئه‌وه‌ له‌ هوير نه‌وه‌ێم ك يادگاريه‌يل هاوار ئه‌وه‌ ئه‌كه‌ن ك بارودوخ ئيسه‌ ك له‌تى ژيه‌يم ميراته‌ ئه‌را گشت ئه‌و ساڵه‌يل كاولكارى و ده‌ركردنه‌ و خه‌م چوار وه‌رز وه‌ناومان تۆمار كرد، هه‌ر وه‌و خاتريشه‌ با خوه‌مان نه‌خه‌ڵه‌تنيم وه‌و قسه‌ ك ئيمه‌ تاسياگ نييم له‌ دريژێ ماوه‌ێ گشت ئه‌و هه‌مگه‌ مه‌ينه‌تيه‌يله‌! چوينكه‌ ئيمه‌ زانيم ك كووچ و كووچكردن باڵ وه‌پيمان نه‌يا بخوازيم وه‌پى له‌ هه‌ر شوونيگ بنيشيمنه‌و، به‌ڵكوو زوڵم خسته‌مانه‌ شوونيگ ده‌وردرياگ وه‌ دوشمن ملله‌ته‌گه‌مان، دى نازانم تا چه‌نيگ ترسيه‌يم له‌ى فريه‌ييه‌ و له‌ هوير بڕيگمانيش ئارامى ئه‌را ژانه‌يلمان دوينم.

 

با ئيمه‌ راسگوو بويمن، راسترين زووانيگ كاركردنه‌و ئاده‌ميزاد فه‌يلييش ئه‌كه‌فێده‌ دويا كه‌سيگ ك هه‌وڵ ئه‌راێ ئه‌ياد و باوه‌ڕ وه‌پى ديرێد، چوينكه‌ جوور عورفيگ وه‌رده‌وام هه‌ر له‌ ئه‌زه‌ڵه‌و ئه‌و جنگه‌يل وه‌كارهاورياگه‌ وه‌ ئه‌كه‌نه‌ێ سه‌ده‌قه‌ ئه‌را فه‌قير و خه‌ڵاته‌يل گرانبه‌هايش ئه‌دريه‌ێده‌ دارنده‌يل.

عه‌لى حسێن فه‌يلى

Shafaq Live
Shafaq Live