کۆڕۆنا گیان هونەرمەنیگ لە هەولێر رفنێد

شەفەق نیوز/ ئمڕوو پەنجشەممە، لە هەولێر پایتەخت هەرێم کوردستان، لەدویای تووشهاتنی وە ڤایڕۆس کۆرۆنا، هونەرمەن کۆمیدیایی کورد سەڵاح بەرجم لە تەمەن ٤٩ ساڵان کۆچ دویایی کرد.
سەرچەوەیگ پزشکی خەوەردا ئاژانس شەفەق نیوز؛ ک هونەرمەنەگە لە بیماری دریژماوەیگ زیان دیاد، و ئاماژەدا ک تووشهاتنی وەڤایڕۆس کۆرۆنا رەوش تەندروسی خراوترەو کرد، ک بویە هووکار مردنی.
هونەرمەن سەڵاح بەرجم لە نووسەرەیل دڕاما دانریەێد، ک ژمارەیگ لە دەقیل شانۆ نووساگە، و هەمیش وەگەرد فرەی هونەرمەنە وەناوبانگەیل کوردستان کار کردگە، و خوەی لە دایگبوی ساڵ ١٩٧١ ـە و لە ماوەی فرەیگ زیان وەخوەی دوینێد لە بیماری دریژماوە.