ژنیگ ئیتالی تابلۆی بیکاسۆ برده‌و!
شەفەق نیوز/ ژنیگ ئیتالی لە ئاهەنگ یانەسیبیگ تایبەت وە گردەوکردن پویل ئەرا دروس کردن پڕۆژەیل ئاو له ئەفریقیا، تابلۆیگ هونەری وەدەسی کەفێد ک هونەرمەن بابلۆ بیکاسۆ کیشاسەی وئەرزشی رەسێدە یەک مەلیۆن یۆڕۆ.
وەگورەی ئاژانس رۆیتیرز ، ئی ژنە ک کارتە قانجازکەرەگە وە پێشکەشی وەرگردیە، تابلۆی ( نایچوڕ مۆرت - سروشت بیدەنگ) وەدەسی کەفێد، ک تابڵۆیگ روینیە لە بان پەڕو بویچگیگ هونەرمەنە ئیسپانیەگە ساڵ ١٩٢١ کیشاسەی.
ئاهەنگەگە ک لە پاریس ئەنجام دریا ٥،١ مەلیۆن یۆرۆ گردەو کرد، ٩٠٠ هەزار یۆڕۆ لەلی چوود ئەرا میلیاردێر دیڤید نێهنمان، ک تابلۆەگان بیکاسۆ جه‌مه‌و کەێد، وئەو تابلۆە دا دەس رێکخەرەیل ئاهەنگەگە، و ئەو بەشە پویلە دریەێدە دامەزراو (کیر) ئەرا پڕۆژەیل ئاو خواردن مەکتەبەیل وئاوایەیل کامێرۆن و مەدەغەشقەر.
بیری کۆشین ،رێکخەر ئاهەنگەگە وت؛ زیاتر لە ٥١ کارت فروشیا، نرخ یەک کارت ١٠٠ دۆلار بوی، لەو ئاهەنگە ک لەوەر قەیران کۆڕۆنا دویاخریا.
