چەن فیلمیگ توخمارەگەری لە ئەمریکا نیشاندەێد وەرجە باوەتەگەی جۆرج فلۆید

تا ئیسە ماڵپەڕەیل پەیوەندیە کۆمەڵایەتیەگان باس کوشتن جۆرج فلۆید کەن، ئەو پیاو ئەمریکیە لە بنچینەی ئەفریقی، وەدەس ئەفسەر پۆلیسیگ ئەمریکی، وەهاوبەشی سێ ئەفسەرتر لە ری بیدەنگیان لەوەخت تەماشاکردن رووداوەگە، وەبی دەسوەردانیگ ئەرا رزگارکردنی، لە سەردەم کۆیلایەتی لەوڵاتەگە تا وەخت قسەوباس دەربارەی کۆج کردن ئەرا ئەمریکا، هەمیشە توخمارە باوەتە گیچەڵەگە بویە.
سینەمای ئەمریکی لە بڕیگ فیلم باس باوەتەیل توخمارەگەری ورانوەر بنچینە ئەفریقیەگان ئەمریکا کرد، وباوەتەگەی فلۆید دووارە ئەو فیلمەیلە هاوردە هویرمان، ک باس چیرۆکەیل ستەم کەن لە وڵاتیگ دروشم ئازادی هەڵگرێد.
فیلم سەربەرزی (کبریا) pride
ئی فیلمە باس چیرۆکیگ راستەقینە کەێد، تیمیگ مەلەوان ئەمریکی لە بنچینەی ئەفریقی، بوینە روو دووچەوەکی و توخمارەگەری ودژایەتی وەردەوامی لە هەوڵدانیان ئەرا سەرکەفتن.
فیلمەگە به‌رهه‌م ساڵ ٢٠٠٧ ه‌ ، كه‌ پرسیاریگ خەێدە وەرچەو، ک ئایا کسیگ ناسی لە ژیان راسی وەردەوام دژایەتی کریەێد وەبی هویچ تاوانیگ؟، چە کەی ئەگەر هەست وە دووچەوکی کردی دژوە برادەریگ لەبان رەنگ پووسەگەی؟
فیلم کەسایەتیەیلگ کاڵەوکریاگ hidden figures
ئی فیلمە باس قسە راستەقینەی سێ ژن ئەمریکی کەێد ک بنچینەیان ئەفریقیە، لەپەنجاگان وشەسەگان سەدەی وەرین، لە ئاژانس ناسا کارکردیان، فیلمەگە تەماشایگ راسیانە پێشکەشکەێد ئەرا ئاژاوە توخمارەیەگان، و وەپشتگووش خستن چاره‌نووس ئەو سێ ژنە، لە وەختیگ باس مافەیل مەدەنی کریەێد، فیلمەگە دەربارەی کاسرین جۆنسون ژنە زانای بیرکاری نیشاندەێد، و هەردوگ هاوڕیەگەی دۆرسی فۆن و ماری جاکسون، خاوەنیەل پلان وەشانن مووشەکە ئاسمانیگەی جۆن گلین، ک له‌ ساڵ ١٩٦٠ بوودە یەکەم ئەمریکی لە دەور زەوی گڕبخوەێد .
فیلم خەوەگان هووپ hoop dreams
ئی بەڵگە فیلمە کەفێدە شوون چیرۆک ژیان دوو گەنج، ویلیام گیتس و ئارسەر ئەجی، هەردوگ گەنجەگە ک لە بنچینەی ئەفریقین تەقەڵادەن لە بازی تۆپ باسکە سەربکەفن، هەردوگیان راهێنان سەختیگ ئەنجامدەن. لەسای دژایەتییان چوینکە لە بنچینە ئەفریقیین ئەو راهێنانە هەر خەسترەو بوود.
بیجگە لە چەن فیلمیگ و ورۆمانیگ تر ك هەمیش باس لەی باوەتە کەێد.