پێکهاتەیل سەردەوکردن لە گازوڵکیگ وەگریەێد
چینیگ لە کازوڵک، توانای رێککردن پلەی گەرمی لەش خوەی دیرێد، لە سویەرترین شوینەییلیگ لەبان زەوی، ک هێشت تیمیگ توێژینەوەکار ناودەوڵەتی لەلی بڕەسنە پێکهاتەیلیگ توانای سەردەوکردن گشت چشتیگ بیاشتود، هەر لە بنیادەگان تا ئامێرە ئەلیکتڕۆنیەگان، و شیەوی هاورێاتی ژینگە، توێژینەوەکارەیل لە کولێژ ئەندازیاری لە زانکۆی تیکساس ئەمریکی، وەگەرد تیمیگ لە زانکۆی شنگهای جیاو تۆنگ لە وڵات چین، وپەیمنگای شاهی ئەرا تەکنۆلۆژیا لە سوید، زانیاریەیل نوو وەدەس هاوردن لەباوەت گازوڵک تەمەن دریژ، ک ناسریاگە وەناو نیوسیرامبیکس جیگاس ، توانای سەردەوکردن لەش خوەی دیرێد تا ئەونە لەناو ناوچە بورکانیەگان ئەوزەڵ بکەێد، لە باشوور خوەرهەڵات ئاسیا. ئی زانیاریەیلە وەکارهاوردن ئەرا شیوەیگ سەردەوکردن جوور شیوەی باڵ گازوڵکەگە، ک وەرپرسە لەی کارە، و کارهاوردن پێکهاتەیلیگ باو و نەرم و هێز میکانیکی دیرێد.
ئی بلەیمەتیە ک گازوڵکەگە وەکار تیەرێد لە سەردەوکردن، هێشتەی لە رێکخستن پلەی گەرمی خوەی بگونجیەێد، ک تیمەگە ئاشکراکردن ک باریکە موی سێ شاخەی بان باڵەیلی، هووکارە سەرەکیەگەس ئەرا سەردەوکردنی، ک تیشک خوەرەگە رەدەو کەێد ولەخوەد مەوقەی ئەو رەدەو کردنە پلەی گەرمی خوەی وەلیا وەشنێد، ک هێلێدەی لە كەشوهەوای سوزان ئەوزەڵبکەێد، نزیک بورکانەیل چالاك لە تایلەند و ئیندونۆسیا، ک پلەی گەرمی لەتاوسان رەسێدە ٤٠ پلەی سەدەیی، وزەویەگە تا ٧٠ پلەی سەدەی سویەرەو بوود.
لە ئەو توێژینەوە، تیمەگە سەرکەفتنی لە هاوشیوەیی ئەوە راگەیان لە وەکارهاوردن ( دوانەی میسیل پولی سیلوکسان) ک بۆلیمەر نەرمە ولە چینەیل باویگ وەکارهاوریاگە، وەگەرد بەشیگ لە سیرامیک بەرز بەرهەمی، ئەرا دروس کردن پێکهاتەیل سەردەوکردن، وەکارهاوردنی گونجیەێد لە فرە کارەیل، لەوەختیگ فرێز و سیبلت و ئامێرەیل سەردەوکردن وزەی فرەیگ خوەێد لەکارکردن، بەڵکم ئی پێکهاتە پلەی گەرمی کەمەوکەێد وە ئاست ٥،١ پلەی سەدەیی لەژیر تیشک خوەر.
یۆیبینگ چنگ، توێژینەوەکار سەرەکیەگە لە راپۆرتیگ لە ماڵپەڕ ئەلیکترۆنی زانکۆی تیکساس ئووشێد: بوود ئی پێکهاتە وەکار باریمن جوور بۆیاغ لەبان چشتەگان، ک تویەنیمن لەبان پەنجەرگانەو بنەیمنەی و لە نووسینگەگان و ماڵەیل تا روشنایی خوەرەگە رەدەو بکەێد، وهەمیش تویەنیمن بپیچنیمنەی دەور ماشینەگان تا وەسەردی بمینن لەوەخت وسانن، وهەمیش بوودە پێکهاتەی سەرەکی لە پەڕوەیل سەردەوکردن نوو، و ئامێرەیل وه‌پی بپووشنیمن.
