وینە.. کۆرۆنا جووڵەی رووشنهویری لە کەرکوک په‌كخست
شەفەق نیوز/ ناوەند کەلتوری لە پارێزگای کەرکوک، ئاشکرا کرد لە وسانن گشت چالاکیەگانی ئەرا نواگردن لە بڵاوبوین پەتای کۆڤید ١٩ ، وئاماژەکرد لە هەماهەنگی وەگەرد تەندروسی و شانەی قەیرانەگە لە کەرکوک، و چەوەڕی هاوردنەوەی چالاکیەگانیان کەن لە کۆتایی قەیرانەگە.
هونەر دیلۆن، وەرپرس راگەیانن ناوەند کەلتوری لە کەرکوک ئەرا ئاژانس شەفەق نیوز وت: ناوەندەگە لە گرنگترین شوونەگانە لە لایەن هونەر و رووشنهویری لە شار کەرکوک و ئەرا گشت پێکهاتەیلی، بەڵکم لە دویای پەتای کۆڕۆنا ک تووش شارەگەمان هاورد، جوور وەڕیەوبردن ناوەندەگە گشت چالاکیەگان ناوەندەگە وسانیمن، ئەرا نواگردن لە بڵاوبوین پەتاگە.
وتیش: دەوام وەڕەیەوبەرایەتی ناوەند کەلتوری تەنیا ئەرا کارەیل خاسەوکردن وگرنگی وە سیمای ناوەندەگەس. وتیش؛ ئیمە لەدەوامەگە گرنگی دەێمنە رینما تەندروسیەگان و کارەیل مقەیەتی لە پەتاگە وەهاوکاری فەرمانگەی تەندروسی و شانەی قەیرانەگە لە شار کەرکوک.
دیلۆن هەمیش وت: چەوەڕی کەیمن دویای تەواوبوین ئی قۆناغە ئەرا هاوردنەوەی چالاکیەلمان جاریگ تر، و ناوەند کەلتوری لە کەرکوک شوون گشت نەتەوەگانە وەبی جیوازی، و وەرجەوە گشت جووره چالاکیگ لەناوی پێشکەش کریاد و لە گشت مانگیگ ئاهەنگەیل تایبەت و فیستیڤاڵ شانۆیی پێشکەش کریاد، و هۆڵ سینەمایی گەورایگ هاناوی فیلم ئەرا مناڵ و گەورا پێشکەشکەێد.
