وەپشتگیری ''شەفەق نیوز'' هونەرمەنیگ یەکەم گورانیەگانی کەێدە ڤیدیۆکلێپ

شەفەق نیوز/ نووسینگەی گورانیە خوەرهەڵاتیەگان بیجگە گورانی عەرەوی وفارسی وهیندی، وزوانەیلیگ تر، فرە داهێنان ئەرا گۆرانیبێژەیل کورد هاناوی لە ناوچەیل جوورا جور کوردستان

وشایەت کاریگەیریە سیاسیەگان، ک نەیشت کوردستان ئارام بوود؛ دەوریگ لە بڵاو نەوین هونەر وگورانی کوردی وەگورەی پێویست داشت، بەڵکم مەیدان هونەر کوردی لەبان ئەوەیش ناو هونەرمەنه‌یلیگ لەتی وەناوبانگ بوی، ئەرا نموونە، جوور حەسەن زیرەک، عەلی مەردان، کاروان عوسمان، ناسر رەزازی، و هونەرمەنەیلیگ تر.

بەڵکم نەوەی هاوچەرخ لە هونەرمەن گۆرانی بێژە کوردەگان، تەقەلای فرەیگ دەن تا بچنە ناو مەیدانەگە هەرچن لە فرە مەوقە رەوشەگان نەگونجیانە.

هونەرمەن حەسەن هەیاس کاکەیی، لەو هونەرمەنەیلەسە، ک ودویای ٢٩ ساڵ لەناو ئی چینە، ئیسە ئەرا یەکەم جاریە ڤیدۆکلێپ یەکیگ لە گورانیەگانی تۆمار کەێد

.

هونەرمەنە گۆرانیبێژەگە لە ساڵ ١٩٦٧ پەیابویە، هەر لە گەنجی دەسکردە ریە هونەریەگەی، وهەر لەمناڵی خوەشی لە گورانی هاتگە.

حەسەن هەیاس ئەرا ئاژانس شەفەق نیوز ئووشێد؛ فێرخوازییم ئەرا گورانی لە مناڵییم بوی، ک ئەرا هونەرمەنە گەوراگان کورد چڕیام لە نوای برادەر و قەومەیلم، و خوەشحاڵ بویان وەدەنگم، وهانم دیان ئەرا گورانی چڕین وە زاراوەیلیگ تر، چوونکە خوەم فرەی زاراوە کوردیەگان زانم، جوور کەڵهوڕی وسۆرانی وماچۆ.

وتیش: ئیجا دەسکردمە گورانیەیلیگ خوەم نووسامەیان و ئاوازیان دانام، تا دەنگم ئەرا مەردم بڕەسنم، ومنیش لە راسیەگەی لە خیزان کەمدەسیگ بویم.

ئیجا ئووشێد؛ مەردمەگە خوەشیان لە دەنگم هات و فرەتر هانم دان تا وەردەوام بووم، بەڵکم وەداخەو ک نەتوێنستم تۆمار گورانیەگانم وە ڤیدیۆ کلێپ بکەم، چوونکە جوور ئەوەگ وتم؛ داهاتەگەم بەش نێکەێد

.

هەیاس هەمیش ئووشێد؛ دویای ٢٩ ساڵ ئەیە یەکەم کلێپە ئەرا من، و خاسیەگە چوودەو ئەرا خودا وتیم ئاژانس شەفەق نیوز، ک هاوکاربوی لە تۆمارکردن گورانیەگەم وەناونشان (خودایە تا کەی). و سوپاس لە ناخ خوەی ئاڕاستە کردە کادر شەفەق نیوز