هونەرمەن میسری رەجا جەداوی وەکۆرۆنا مرد
شەفەق نیوز/ رەجا جەداوی هونەرمەن میسری، ئمڕوو یەکشەممە، لە تەمەن ٨٢ ساڵان کۆچ دویای کرد لەوەر تووشهاتنی وە ڤایڕۆس کۆڕۆنا.
جەداوی تا ٤٣ رووژ لە کەرەنتین تەندروسی بوی لە خەسەخانەی ئەبوخەلیفە لە ئیسماعیلیە لە وەختیگ تووش ڤایڕۆسەگە هات. ئەمیرە حەسەن موختار، تەنیا دویەت جەداوی وە پۆستیگ فەرمی پرسەو سەرەخوەشی ئەرا داڵگی نووساد.
رەجا جەداوی لە وەخت کەرەنتین تەندروسیی ٣ تاقیکردنەوە کردگە، ودیارکەفت ک هەڵگر ڤایڕۆسەگەس، ودویای وەرگردن پلازما وە دوو رووژ هەمیش ئەنجام تاقیکردنەوەگە وە تووشهاتگ دەرچگ، و ئەرا سێەم جاریش هەمیش چارەسەر نەوی.
جەداوی لە سەرەتایی هەفتاگان هاوسەری کرد وەل حەسەن موختار راهێنەر گۆڵچەیەل ئیسماعیلی و هەڵبژاردەی میسر وەرین، و یه‌کەمینخوەنەواری لە مەکتەب فڕانسیسکان لە قاهیرە وەرگرد، ئیجا لە کۆمپانیای راگەیانن کارکرد، ئیجا پەسەن کریا جوور شا جوان میسر لە ساڵ ١٩٥٨ ، و لەو مەوقەو چیە ناو باوەت هونەر.
