ئه‌لبوومێگ گورانی كوردی وه‌ ده‌نگ شه‌هرام نازری بڵاوه‌و ئه‌دێ‌

ئه‌لبوومێگ گورانی كوردی وه‌ ده‌نگ شه‌هرام نازری بڵاوه‌و ئه‌دێ‌
2012-04-09T09:04:34+00:00
شه‌هرام نازری و وه‌ ئاوازدانه‌ری لۆریس چێكناواریان، مانگ ئاينده‌ له‌ ئيران بڵاوه‌و ئه‌دێ‌.

 

ئه‌ی به‌رهه‌مه‌ چه‌ن ساڵ وه‌رجله‌ ئيسه‌ له‌ كۆنسێرت ئۆركسترای فیلارمۆنیك ئه‌رمه‌نستان وه‌ ده‌نگ نازری و وه‌ ئاوازدانه‌ر موزیكزان ناودار ئه‌رمه‌نستان لۆریس چێكناواریان، له‌ هۆڵ میلاد پێشانگای ناوده‌وڵه‌تی تاران توماركرياگه‌، له‌ مانگ ئایار/ مایۆی ئاينده‌ له‌ لایه‌ن كۆمپانیای موزیك "ئاوای باربه‌د"، له‌ سه‌رتاسه‌ر ئيران بڵاوه‌و ئه‌دێ‌.

 

چێكناواریان، له‌ی به‌رنامه‌یه‌ ئه‌را بڕێگ له‌ گورانی و موزیك كوردی و فارسی ك گورانیچڕ ناودار كرماشانی شه‌هرام نازری، وه‌رجله‌يه‌ له‌ كۆنسێرت و ئه‌لبوومه‌گانی پێشكه‌شی كردويد، وه‌ شيوه‌ی ئۆركسترای سه‌مفۆنیك، موزیك ئه‌رای دابه‌شكردگه‌ و وه‌ هاوكاری ئۆركسترای فیلارمۆنیك ئه‌رمه‌نستان پێشكه‌شیان كردگه‌.

 

ئه‌ی گورانیچڕكرماشانییه‌ تا ئيسه‌ زیاتر له‌ 40 ئه‌لبووم وه‌ل گرووپه‌يل ناودار موزیك ئيران و كوردستان بڵاوه‌و كردنه‌سه‌و‌ و هه‌ر وه‌ختێگ ك‌ له‌ شاره‌يل جووراوجوور ئيران و وڵاته‌یل جووراوجوور جه‌هان كۆنسێرت پێشكه‌ش ئه‌كا، له‌ گشت كۆنسێرته‌گانیشی گورانی كوردی پێشكه‌ش ئه‌كا.

 

ا

Shafaq Live
Shafaq Live