وه وێنه.. له 6 هاوسه‌ر 54 مناڵ ئه‌ڕاى بويه!
2017-04-19T15:51:00+00:00
شه‌فه‌ق نيوز/ شوفێريگ (70ساڵان) له پاكستان 54 مناڵ له 6 ژن خسته‌سه‌و.
عه‌بدولمه‌جيد منغال، خه‌ڵك كويتا له خوه‌رئاواى پاكستان 54 مناڵ داشتگه، ك هه‌رچه‌نى 12 له‌ليان مردگه، وه‌لێ هيمان 22 كوڕ و 20 دويه‌ت ديرێد.
عه‌بدولمه‌جيد له ته‌مه‌ن 18 ساڵان ژنه يه‌كه‌مينه‌گه‌ى خوازيه‌و له‌شوون ئه‌وه‌يش په‌نج ژن تر خوازيه، وه‌لێ دووان له‌و ژنه‌يليه له‌ده‌سداگه.
جى باسه، عه‌بدولمه‌جيد كار شوفێرى ئه‌كاو مانگانه نزيكه‌ى 15 هه‌زار روپيه‌ى پاكستانى وه‌ده‌س ئه‌يه‌رێد و كوڕه گه‌وراگه‌يشى ك ته‌مه‌نى 32 ساڵانه ئه‌ويش كار شوفێرى ئه‌كا جوور پيشه‌گه‌ى باوگى وه‌خاتر بژيوى خيزانه‌گه‌يان، چوينكه ئى خيزان گه‌ورا له ماڵ گه‌ورايگ ژيه‌ن هه‌فت غورفه ديرێد.
