هەسارە هونەرەیل جهان هانە ژیر هەڕەشەی ئاشکرا کردن نهێنیە تایبەتەیلیان

هەسارە هونەرەیل جهان هانە ژیر هەڕەشەی ئاشکرا کردن نهێنیە تایبەتەیلیان
2020-05-20T01:20:27+00:00

راپۆرتیگ ئەرا سایت Telegraph بریتانی لە بان روەڕویبوین بڕیگ لە وەناوبانگەیل جهانی ئەرا هەڕەشەو داوای سەرانە لەلایەن گروپیگ هاکرز ئەلیکتڕۆنی ک ناسریاگن وەناو Revil.

ئاماژە دا ک کەیسەگە ئەو هونەرمەن فرە وەناوبانگیلە گردەو، وهاکرەیلە تویەنستن دزەیی بکەنە داتای کۆمپانیای یاسایی Grubman Shire Meiselas & Sacks 

ک تایبەتە وە کارەیل گریەبەسەی هەسارەگان.

راپۆرتەگە وتیش؛ هاکرەیلە ئیسە هەژمار گەورایگ لە بەیاننامە کەفتیەسە دەسیان، وپەڵپ ٢١ مەلیۆن گردنە تا وازلەلیان بارن.

لەبان ئەوە کۆمپانیاگە هوشداری دا کڕیارەیلی ولەلیان رۆد ستیوارت و رۆبیرت دی نیڕۆ و ئیلتون جۆن و مادۆنا و لەێدی گاگا بوی.

لەبەیاننامەگە هات؛ دووپات کەیمن ک ئیمە بویمنە قوربانی پەلاماریگ ئەلیکتڕۆنی، وخەوەردار کڕیارەیلمان و فەرمانبەرەیلمان وەپی کردیمن، وپەنا بردیمنە چەن پسپۆریگ تایبەت ئەرا چارەسەر ئی گیچەڵە، وخەریک هەوڵدانیمن لە گشت وەختەگە.

راپۆرتەگە باس کرد ک گروپەگە گریەبەسەیلیگ تایبەت وە مادۆنا بڵاو کردنە، وبڕیگیش تایبەت وە کریستینیا ئەگیلیرا، و نووسینگەی لەکۆڵینەیل فیدڕاڵی تۆژێنەوەیگ کردنەو لەی باوەتە، و ئاژاوەی گەورایگ خستە ناو چین هەنەرمەنەیل، ودوسەیل هەسارەگان.

Shafaq Live
Shafaq Live