له‌وه‌ر "دروويگ بويچگ" 10 ساڵ زیندانی كريا!!
شه‌فه‌ق نيوز/ دادگایگ یۆنانی، بڕیار زیندانیكردن 10 ساڵ ئه‌را كارگه‌ريگ پاككه‌ره‌وه ده‌ركرد، ئه‌ويش وه تاوان نويسانن زانيارى ناڕاس له‌ناو فايله شه‌خسيه‌گه‌ێ.
له‌ى باوه‌ته‌و، رووژنامەی دەیلی مەیل بریتانی وت: ئەو كارگه‌ره تەمەنی 53 ساڵ بويەو لەده‌زگايگ حكومی كار كردگەو دويای ئەوەگ په‌يجوورى له‌لى كرياگه ده‌ركه‌فتگه له‌بان خوه‌نين سه‌ره‌تايى زانيارى ناڕاس داسه وه‌زاره‌ت پەروەردە.
رووژنامه‌گه وت: ئه‌و كارگه‌ره له‌جياى ئه‌وه‌گ بنويسێد په‌نج ساڵ له خوه‌ندنگاى سه‌ره‌تايى خوه‌نيه، نويساگه شه‌ش ساڵ خوه‌ندنگه‌و هه‌ر له‌وه‌ر ئه‌وه‌يش شكايه‌ت له‌بانى تۆمار كرياگه‌و ئيسه‌يش دادگا بڕيار زيندانيكردن ئه‌راى ده‌ركردگه‌و بڕياره‌گه‌يش كاردانه‌وه دروسكردگه‌و ريكخرياگه‌يل ماف ئاده‌ميزاديش وه‌رگرى ئه‌كه‌ن و بڕياره‌گه‌ى دادگا وه نائنسانيانه تاريف ئه‌كه‌ن.
