قه‌ره‌بووكردنى شه‌مه‌نده‌فه‌ريگ بوى
2017-03-22T15:57:00+00:00
شه‌فه‌ق نيوز/ دادگاى هندى بڕيار قه‌ره‌بووكردن جفتياريگ دا، ئه‌ويش له شوون ئه‌وه‌گ خه‌ت ئاسنين له‌ناو زه‌ويه‌گه‌ى دامه‌زريا ئه‌را هامشووكردن شه‌مه‌نده‌فه‌ر و هه‌ر وه‌و خاتريشه دادگا بريار داين شه‌مه‌نده‌فه‌ريگ ئه‌راى ده‌ركرد.
له‌ى باوه‌ته‌و، ده‌يل مه‌يل ئه‌وه ده‌رخست ك "سامبوران سنيغ" جه‌نگيگ ياسايى وه‌ل كومپانياى حكومى "Indian Railways" به‌رپا كردگه له‌وه‌ر ئه‌وه‌گ خه‌ت شه‌مه‌نده‌فه‌ر له‌ناو زه‌ويه‌گه‌ى له ولايه‌ت به‌نجاب دامه‌زرياگه‌و تائيسه قه‌ره‌بوو نه‌كرياگه‌و هه‌ر وه‌و خاتريشه دادگاى هندى بڕيار دا شه‌مه‌نده‌فه‌ريگ وه‌پى بدريه‌ێد له جياى 10 مليۆن روپيه (نزيكه‌ى 150 هه‌زار دۆلار) ك بريار بويه له‌لايه‌ن كومپانياگه‌وه وه‌پى بدريه‌ێد.
