"فيرونيكا" 2 مليۆن يۆرۆ نه‌فه‌قه‌ێ ته‌ڵاق وه‌رئه‌گرێد!
2017-05-20T19:38:00+00:00
شه‌فه‌ق نيوز/ دادگاێ ئيتاڵى كه‌مترين حوكميگ په‌سه‌نكرد له داين بڕ 2 مليۆن يۆرۆێ مانگانه جوور نه‌فه‌قه‌ێ ته‌ڵاق وه فيرونيكا لاريو هاوسه‌ر وه‌رين ملياردێر سيلفيو برلسكونى سه‌رۆك وه‌زيره‌يل وه‌رين له ماوه‌ى جيابوينه‌وه‌يان له‌ناونى ساڵه‌يل 2010 و 2014.
له‌ى باوه‌ته‌و، "ئه‌سۆ شێتد پرێس" باس له‌وه كرد دادگا له بڕياره‌گه‌ێ ئاماژه وه ئه‌وه كردگه ك برلسكونى يه‌كيگه له گه‌ورا ده‌وڵه‌مه‌نه‌يل جه‌هان و ئاست ئه‌و گوزرانه ك فيرونيكا لاريو داشته‌سه‌ێ له‌وه‌خت هاوسه‌ريان بايه‌سه وه‌رده‌وام بدێ له ماوه‌ى جياييان نه‌ك دوياى ته‌ڵاقيان.
جى باسه، برلسكونى و لاريو له‌ساڵ 1990 هاوسه‌رگيرى ئه‌نجام دان و خاوه‌ن 3 مناڵن، وه‌لێ لاريو له 2009 ئاشكراى ته‌ڵاقسه‌ندن كرد له‌وه‌ر ئه‌وه‌گ هاوسه‌ره‌گه‌ێ وه‌ل ژنه‌يل تر په‌يوه‌ندى به‌ساگه.
