فیلمیگ خەرجەگەی 200 ملیۆن دۆلار بوی و تەنیا 18 دۆلار وەدەسی کەفت
2024-02-05T12:09:24+00:00
شەفەق نیوز/ فیلم "Argyle" لەلایەن ڕەخنەگرەیل ڕەخنەی تونیگ لەلی کریا، ئەوەیش لە ماڵپەڕ "رۆتین تومیتۆی" تەنیا 35% ڕیزبەندیی ئەرا دانریاس، بسینەیل بلیتەیل وەدڵیان نەویە، و لە "نمرەی سینەما" ڕیزبەنی "C+" وەرگردیە.
ئەپڵ یەکەمجار لە بۆک ئۆفیس تویشی شکست هات، کە فیلم سیخوڕی تریلەر "Argyle" کە 200 ملیۆن دۆلار خەرج ستۆدیۆیەیل ئەپڵ بوی، وەگورەی مەزەنەی کۆمپانیای بەشەوکردنەگە رووژ یەکشەممە 18 ملیۆن دۆلار فرووشتن بلیتەیل توومارکردگە.
فیلمەگە لە دەرهێنان ماتیۆ ڤۆن لە کۆتایی هەفتە توەنست پلەی یەکەم بۆکس ئۆفیسەیل وەدەس بارێد بەڵام گرنگییگ ئەوتۆ لەلایەن تەماشاکرەیل فیلمەگە نەدریا.
هەرچەن کۆمپانیای ئەپڵ لە ساڵ ٢٠١٩ەو لە بازرگانی فیلمە رەسەنەیل بویە و خەڵات ئۆسکار ساڵ ٢٠٢١ ئەرا خاسترین فیلم ئەرا فیلم "کودا" لە ساڵ ٢٠٢١ وەدەس هاوردیە، بەڵام کۆمپانیاگە تەنیا لەی دواییە چین تایبەت خوەی بەرهەمهاوردیە کە وە بودجەیگ فرە بڵاو کریاس.
دوو فیلم یەکەم ئی بەرهەمەیلە، "كيلرز أوف ذا فلاور موون" مارتن سکۆرسێزی و "ناپلیۆن" ڕیدلی سکۆت، توەنریەێد وە سەرکەفتی بیریەێدە قەڵەم.
