سێ لە نیشانەیل شێرپەنجە لەوەخت خواردن دەرکەفێد
2024-02-26T13:22:08+00:00
شەفەق نیوز/ پسپۆرەیل تەندروسی بەریتانی هووشداری دەن لە سێ نیشانەی شێرپەنجە کە هەوەجەکەێد گرنگی وەپی بدرێد کە لە مەوقەی خواردن دەرکەفێد.
وەپای رووژنامەی زە سەن بەریتانی شارەزایەیل باس لەوەکەن، زیاتر لە 20 جویر شێرپەنجە هەس و هەریەکەیان نیشانەیل جیاوازیگ دیرن باوجی وە شیوەی گشتی سێ نیشانە ئەرا فرەیگیان هاوبەشە.
یەکەم: نەمەنن ئەزرەت خواردن و هەس وە ورسگی نەکردن یان زوی تێر بوین کە لەو نیشانەیلەس هەوەجە کەێد سەردان دکتۆر بکەن.
دویەم: سەختی قویتدان یان جایین خوەراک و هەس کردن وە ئەوەگ وەردەوام چشتیگ لە قوڕگی گیرکردیە.
سێیەم: ئەگەر زیاتر لە 3 ساڵ بوود تویش هەرس نەکردن یان دڵەکزە بوی، هاتێ نیشانەی ئاگادارکردنەوە بوود.
