پسپۆرەیل هووکار رزیان موی سەر پیاوەیل دیاریکەن
پڕۆفیسۆر ستانسلاڤ ئەیونۆف لە زانکۆی پزیشکی روسی ئەرا رووژنامەیگ روسی ئاشکەرایکردیە، ئەو کەسەیلە تویش رزیان گیس بوون دویای رەدبوین ماوەیگ سەرنج دەن لەدویای لە خەوهەڵسان بڕیگ فرە قژ لەبان باڵنجەگەیان کەفتیە.
پڕۆفسۆرەگە ئویشێد، "لە پسایەیل ئاسایی گیش کەفتن لە تەمەن 50 ساڵ ئەوبان دەس وەپی کەێد، و پەیوەنی وە ناهاوسەنگی چەن چشتیگ دیرێد جویر، کەمەوبوین ئاست هۆرمۆن تێستۆستیرۆنی نێرینە و ناهاوسەنگی لە پرۆسەی دروسبوین تاڵەگان گیس، درسکردنیان کەمەوبوود یان وە هویچ شیوەیگ دروس نیەون".
باس لەوەش کردیە، پیاویگ کە لەتەمەن کەمیگ تویژ کەچەلی تێد ئەرا نمونە 25 ساڵی ئوە نمونەی تایوەتیگ گیس رزیان ئەندرۆجینەتیکییە، کە پەیوەنی وە هوکار فرەجینیکەوە دیرێد (ئاڵشتکاری لە شمارەی جینەگان، بوودە هووکار زیایبوین تێستۆستیرۆن و دیهایدرۆتێس تۆستیرۆن یەیش بوودە هووکار رزیان گیس.
