دویرەوکەفتن کۆمەڵایەتی لەناو چایخانەو چێشتەخانەیل.. داهێنانیەل نوو وەکار تیەێد
2020-05-20T01:07:32+00:00
چایخانەو چێشتەخانەیل لە دووارە کردنەویان لە بڕیگ دەوڵەت، وەگەرد ئاسانکاری رێوشوێنەیل کەرەنتینە ک دانریانە وەرانوەر پەتای ڤاێڕۆس کۆڕۆنا، تا مقەیەتی کڕیارەیلیان بکەن لە پەتاگە، قەیریگ داهێنان نوو وەکار هاوردن، ئەرا وەجیهاوردن دویرەوکەفتن کۆمەڵایەتی، بڕیگیان راکێشە، جوور قاوەخانەی ئەڵمانی.
دویای چەن هەفتەیگ لە بەساننی وەهۆی رێوشوێنەیل کەرەنتینە، قاوەخانەی ( رۆتە) لە شار شیفرین ئەڵمانی دووارە دەرەیل پێشوازی ئەرا کڕیارەیلی کردەو، و هانیان دا ئەرا وەجیهاوردن دویرکەفتن کۆمەڵایەتی، کڵاو زەلین داگە پیان، ولەبان ئەو کڵاوەیلە دار ئیسفەنجی مەلەکردن نریاگە، تا مقەیەتی ناوبەینەگە بکەێد وەل هەرکەسیگ تر.
