دیاریکردن مەوقەی مۆندیال ٢٠٢٦... کە لەلایەن سێ وڵاتەو میوانداری کریەێد و لە نیویۆرک کۆتایی تیەێد
بڕیارە مۆندیال هاتگ لە 16 شار، لە کەنەدا و مەکسیک و ئەمریکا وەڕیەو بچوود و خول هاتگ مۆندیالیش یەکەمجارە کە 48 هەڵوژاردە بەشداری لەلی بکەن لەجیای 32 هەڵبژاردە.
وەگورەی زانیارییەیل گیانی ئینفانتینۆ، فیدراسیۆن ناودەوڵەتی تووپان (فیفا) بڕیاریداگە یاریگای مێتلایف لە نیویۆرک وەتایبەتی ئیست ڕەزەرفۆرد لە نیوجرسی بوودە شوین بازی کۆتایی مۆندیال 2026.
مەکسیک لە ساڵەیل ١٩٧٠ و ١٩٨٦ جام جەهانی ڕێکخست و بازی کۆتایی هەردوگ چاپەگەیش لە یاریگای ئازتێکا وەڕیەو چگ.
دیێگۆ مارادۆنا هێرشبەر ئەرجەنتینی گۆڵە وەناوبانگەگەی وە ناو “گۆڵ سەدە” وەرانوەر ئینگلتەرا لە خود یاریگا توومارکرد.
مەغریب و ئیسپانیا و پورتوگال میوانداری جام جەهانی ٢٠٣٠ کەن، جام جەهانی ٢٠٣٤ لە سعودیە وەڕیەو چوود.
خول بیس و سێهەمین خول کۆتایی جەهانی لە وڵاتەیل ئەمریکا و کەنەدا و مەکسیک وەڕیەو چوود،و ئەرا یەکەمجار ٤٨ تیپ لە جیای ٣٢ تیم بەشداری کەن.
بەشەوکردن شوینەیل ئەرا سێ ناوچە، خوەرهەڵات، ناوڕاس و خوەرئاوا، ری دەێد وە مەوقەیگ دەسوەپیکردن نەرم و نیان کە خوازین هەوادارەیل ناوخوەیی و ناودەوڵەتی دابین بکەێد.
خشتەگە سێ رووژ تەواو هوچان لە ناوەین بازیەیل ئەرا تیپەیل هاناوی، کە گرنگی وە خاسەوبوین بازیکەرەیل تیەێد.
هەڵبەتە وەچەوگردن کەشوهەوا کاریگە لە هەڵزژاردنەیل فیفا، چوینکە فیدراسیۆن ناودەوڵەتی گەرمی و تەڕی هەر شاریگ شیەو کەێد ئەرا دیاریکردنی وەخت گونجیاگ بازیکردن.
بایەسە ئاماژە وەوە کریەێد کە وەختەگەی کۆتایی گشت بازیەیل دویای تیروپشک قۆناغ فیفا لە مانگ کانوون دویەم ٢٠٢٥ ئاشکرا کریەێد.
