خاسترین ری ئەرا قەرەبویکردن یۆد لە لەش
2024-02-03T08:55:47+00:00
شەفەق نیوز/ دکتۆر ماریا کالوشینا پزیشک پسپۆر هەناوی ئاشکەرایکردیە، خاسترین ری ئەرا قەرەبویکردن کەمی یۆد لەلەش، وەکارهاوردن نمەک یۆد و خواردن کاکییە.
لە چەوپیکەفتنیگ وەرد ماڵپەڕ NEWS.ru، ئەو پزیشکە دیاریکردیە،خاسترین ری ئەرا قەرەبوی کردن کەمی یۆد بریتیە لە زیایکردن نمەک یۆدکریاگ ئەرا خواردن، بیجگە لەوە توەنرێد ئەو خوەراکەیلە بخورێد دەوڵەمەنن وە یۆد جویر سەوزەی دەریایی و کاکی و مانگۆ".
باوجی فرەکەس ئێ کەرەستەیلە وە گونجیاگ نیەزانن چوینکە دەسکەفتنیان ئەستەمە وەی مدووە نمەک یۆدکریاگ جویر خاسترین سەرچەوە مینێد ئەرا قەرەبویکردن کەمی یۆد لە لەش.
