تۆپان لە سەردەم کۆرۆنا.. یەکێتی ناودەوڵەتی بڕیار سزایل نوو سەختیگ دەێد
2020-08-05T08:54:23+00:00
شەفەق نیوز/ وەئامانج مقەیەتیکردن بازیگەرەیل لە پەتای ڤایرۆس کۆرۆنا، بڕیارەیلیگ دەرچگ، ک ئەو بازیگەرەیلە هوشیار بوون ئه‌گه‌ر قوتە لە روی رکابەرەگانیان یا حەکەمەگان بکەن، کەفنە وەر سزایل سەختیگ، رەسێدە دەرکردنیان لە یاریگا.
ئەنجومەن یەکێتی ناودەوڵەتی ئەرا تۆپان ''ئیفاب'' و یەکێتی ئینگلیزی ئەرا بازیەگە، بڕیار چەسپانن سزایل سەختیگ دان لە وەرز ئایندەو جیوەجی کریەێد، لە سای قەیران پەتای کۆڕۆنا.
''ئیفاب'' ئاماژەدا ک بڕیارەگە کەفێدە لای حەکەم یاریگاگە، لە فامستن شیوەی قوتەگە ئەگەر ئانقه‌ست بوی یا نە، ک ئەنجومەنەگە قوتەی وه زانابوون دانا وەگەرد چین ''وەکارهاوردن قسە ورەفتار خراوی وسوکایەتی کردن''.
