ئاسمانەوانیگ رووسی توومار جەهانی شکنێد
2024-02-05T12:12:09+00:00
شەفەق نیوز/ ئاسمانەوانیگ رووسی توەنست درویژترین ماوە لە چوڵایی ئاسمان بمینێد وەیەش ریکۆرد جەهانی توومارکرد.
ئاژانس چوڵایی ئاسمانی روسیا "رۆسمۆزمۆس" راگەیانیە؛ ئاسمانەوان رووسی ئۆلیگ کۆنۆنیکۆ توەنستیە توومار درویژترین مەنن لە چوڵایی ئاسمان بشکنێد کە مەنن 878 رووژە لە چووڵایی ئاسمان.
هێمانیگ گەشت ئاسمانەوانەگە تەواونەبویە و ئۆلیگ لە چەو وەپیکەفتنیگ وەرد ئاژانس تاس وت؛ گەشت چوڵایی ئاسمان کەم چوینکە خولیامە نەهاتمە ریکۆرد توومار جەهانی بشکنم باوجی لێواش شانازی وە دەسکەفتەگەم کەم کە هێمانیگ توومار فرترین مەنن لە چوڵایی ئاسمان ها دەس روسیەگان.
