"پاپا نوئێل" بازرگانەیل مادەی هووشبەر دەسگیر کەێد.. ڤیدیۆ
2023-12-25T06:51:23+00:00
شەفەق نیوز/ تیمیگ لە پۆلیس پیرۆفیە، کەیکیگیان پرتاڵ "بابا نوئێل" پوشیە تا کەس هەس وەپی نەکەێد، ئۆپراسیۆنیگ دژ وە چەتە بازرگانەیل هووشبەر ئەنجام دەن لە شارۆچکەی بکوور لیما، وەپای ئەوەگ دەسڵاتدارەیل راگەیاننە،
ئەندامەیل پۆلیس توەنستنە دوو پیاو دەسگیربکن مادەی هووشبەر و ماریجوانا لەناو ماڵ خوەیان لە هوارال فروشتنە، لە دویری نزیکەی 70کم لە پایتەخت پیرۆفیە، وەپای ئەو پارچە ڤیدیۆیەیلە شەممە توومارکریانە.
واڵتەر پالۆمینۆ، سەرۆک یەکەی پۆلیس نیشتمانی پیرۆ وە رووژنامەنویسەیل راگەیان، " یەکیگ لە ئەندامەیل پۆلیس پرتاڵ بابا نوئێل پوشیە تا کەس هس وە مەترسی لەو کوچە نەکەد، وتیش "ستراتیجیەتەگە سەرکەفتیش بوی".
ئەو پۆلیسەی پرتال پاپا نوئێل پوشیە دەر ماڵەیل شکنێد و یەکیگ لە گومان لێکریاگەیل دەسگیر کەێد.
لە ئۆپراسیۆنەگە دوو پیاو دەسگیرکریاس و دەسنریاس وەبان سەدان پاکەت مادەی هووشبەر و ماریجوانا و هێزەیل ئەمنی دیارینەکردن بڕەگەی چەنیگە.
