ئه‌راچه كراس بووكێنى له‌هند قرمزه؟
2017-05-27T18:01:00+00:00
شه‌فه‌ق نيوز/ ئه‌گه‌ر ته‌ماشاێ سينه‌ماێ بۆليۆد هندێ بكه‌ێد، دوينيد ره‌نگ كراس بووكێنى له ئاهه‌نگه‌يل سوريكردن ته‌قليدێ ره‌نگيان قرمزه و ره‌فيق ئه‌و رووژه‌ێ عه‌رووس هنديه، يه‌يش له‌وه‌ختيگ له وڵاته‌يل تر دونيا وه ره‌نگ چه‌رمگه!!
هووكار پووشانن ره‌نگ قرمز له هند هه‌ر له زويه‌و باوه، ئه‌ويش له‌وه‌ر ئه‌وه‌گ ئى ره‌نگه له‌لايان ئاماژه وه خوه‌شبه‌ختى و خوه‌شاڵى ئه‌كا، يه‌يش بيجگه ره‌نگيگه زاينده‌ێ ژيانه و له‌وه‌يش گرينگتر ئه‌وه‌سه ك ئى ره‌نگ قرمزه ئشاره‌تيگه له‌لايان ئه‌را ده‌سوه‌پيكردن ژيانيگ تازه‌ێ به‌خته‌وه‌رانه.
