يه‌كه‌م ليژنه‌ی تايبه‌ت وه‌ كورده‌يل فه‌يلی له‌ناو ئه‌نجوومه‌ن پارێزگای واست دامه‌زريا

يه‌كه‌م ليژنه‌ی تايبه‌ت وه‌ كورده‌يل فه‌يلی له‌ناو ئه‌نجوومه‌ن پارێزگای واست دامه‌زريا
2013-06-24T12:05:54+00:00

 

حه‌يده‌ر هشام فه‌يلی نوێنه‌ر كورده‌يل فه‌يلی له‌ ئه‌نجوومه‌نه‌گه‌ ئه‌را (شه‌فه‌ق نيوز) وت: ره‌زامه‌نی فه‌رمی وه‌رگيرياگه‌ له‌بان دامه‌زرانن ليژنه‌يگ تايبه‌ت وه‌ كورده‌يل فه‌يلی له‌ناو ئه‌نجوومه‌ن پارێزگای واست و ده‌س كرديمنه‌سه‌ كاره‌يلمان وه‌هاوكاری تيم حكوومی ئه‌را پشتگيری حكوومه‌ته‌يل ناوچه‌يی وه‌خاتر له‌وه‌رگرتن ڕی وشوونه‌يل ياسايی ئه‌را سيستم ناوخوه‌يی ئی ليژنه‌و دابينكردن هه‌وه‌جه‌يلی تا بووده‌ ليژنه‌يگ كارا ئه‌را كورده‌يل فه‌يلی له‌ناو ئه‌نجوومه‌ن.

فه‌يلی هه‌ميش وت: يه‌كيگ له‌ فكره‌يل ليژنه‌گه‌ ئه‌وه‌سه‌ چه‌ودێری كيشه‌ی كورده‌يل فه‌يلی بكريه‌يد له‌ناو ده‌زگايه‌يل ناوچه‌يی و كار له‌بان يه‌كسانی پۆست و پله‌ی وه‌زيفی بكريه‌يدو كار له‌بان مه‌سه‌له‌ی راسه‌وكردن نه‌ته‌وه‌ ئه‌نجام بدريه‌يد دويای ئه‌و فشاره‌يله‌ ك رژيم رمياگ هاورده‌ی بان كورده‌يل فه‌يلی و ئيچنه‌ ناسنامه‌يان له‌ نه‌ته‌وه‌ی كورده‌و ئاڵشت بوود ئه‌را نه‌ته‌وه‌ی عه‌ره‌بی، ك گشت ئی بڕگه‌يليشه‌ وه‌شيوه‌يگ ياسايی خريه‌يده‌ وه‌ر سيستم ناوخوه‌يی و ده‌نگ له‌بانی دريه‌يد له‌ماوه‌ی دانيشتنه‌يل ئاينده‌ی ئه‌نجوومه‌ن پاريزگا.

ج . أ

Shafaq Live
Shafaq Live