ناكووكى له ناونى هيزه‌يل ئه‌منى و خوه‌ينيشانده‌ره‌يل له باشوور عراق كه‌فته‌و
2019-06-29T20:58:09+00:00
شه‌فه‌ق نيوز/ شايه‌تحاڵه‌يل باس له‌وه كردن شماره‌يگ له خوه‌ينيشانده‌ره‌يل زه‌خمدار بوينه له ئه‌نجام ناكووكى وه‌ل هيزه‌يل ئه‌منى له‌ناوڕاس شار به‌سره‌ى ده‌وڵه‌مه‌ن وه نه‌فت له پاين باشوور عراق.
ئه‌و شايه‌تحاڵه‌يله ئه‌وه ده‌رخستن ك هيزه‌يل ئه‌منى خوه‌ينيشانداينيگ له ئه‌لعه‌شار له ناوڕاس به‌سره چويچانگه ك له‌تى داواى دابينكردن خزمه‌تگوزارى و خاسه‌وكردن بژيوى له پاريزگاگه كردنه‌و شماره‌يگ له‌ليان ده‌سگير كردنه‌و غاز ئه‌سرڕشن وه‌رانوه‌ريان هاورده‌سه كار.
جى باسه، شايه‌تحاڵه‌يل ئاماژه وه‌يه‌يش كردن بڕيگ خوه‌ينيشانده‌ر زه‌خمدار بوينه‌و بڕيگيش ده‌سگير كريانه دواى جموجويلكردن خوه‌ينيشانده‌ره‌يل له مه‌يدان عه‌بدولكه‌ريم قاسمه‌و له‌نزيك ديوان پاريزگاى به‌سره‌ى كويه‌ن وه‌ره‌و جاده‌ى ئه‌لوه‌ته‌ن له‌ناوڕاس بازاڕ ئه‌لعه‌شار.
