كوردستان له 2014 شوون نيشته‌جى ئه‌را خاوه‌ن كه‌مدرامه‌ته‌يل دروس ئه‌كا
2013-12-30T13:45:06+00:00
نه‌ورۆز مه‌ولود ژنه وه‌ڕيه‌وبه‌ر وه‌به‌رهاوردن هه‌ولێر له به‌ياننامه‌يگ ئه‌را(شه‌فه‌ق نيوز) ك له‌بان ماڵپه‌ڕ فه‌رمى حكوومه‌ت هه‌رێم بڵاوه‌و كريا، وت: ليژنه‌ى وه‌به‌رهاوردن پرووژه ياسايگ داناگه وه ئامانج ئه‌وه‌ك زوورم پرووژه‌يل خزمه‌تگوزارى له خزمه‌ت كه‌مدرامه‌ته‌يل بوود له هه‌رێم كوردستان.
مه‌ولود هه‌ميش وت: ليژنه‌گه پرووژه ياسايگ داناگه ئه‌را دامه‌زرانن ليژنه‌ى چه‌وديريكردن له‌بان ئه‌و پرووژه‌يل نيشته‌جيكردنه وه‌خاتر زه‌مانه‌تكردن هه‌قه‌يل مه‌ردم كه‌مدرامه‌ت و ئاماژه وه يه‌يش كرد ك له‌ماوه‌ى گوزه‌يشت ليژنه‌ى وه‌به‌رهاوردن روخسه‌ت له 33 كومپانيا سه‌نده‌سه‌و له‌وه‌ر ئه‌وه‌ك پابه‌ند نه‌وينه وه رينمايه‌يل.
ج . أ
